ନ୍ୟୁୟର୍କ ସିଟି ମେଟ୍ରୋ ଷ୍ଟେଶନରେ ଏକ ଭୟାନକ ଦୃଶ୍ୟ ଦେଖିବାକୁ ମିଳିଛି। ରାସ୍ତାକଡ଼ରେ କମ୍ବଳ ଘୋଡାଇ ହୋଇ ଶୋଇଥିବା ବ୍ୟକ୍ତିଙ୍କ କମ୍ବଳରୁ ପ୍ରବଳ ମୂଷା ବାହାରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଟିକ୍ଟକ୍ ୟୁଜର୍ସ @ six4bk78 ଙ୍କ ଏହାର ଭିଡିଓ ଶେୟାର କରିଥିଲେ।
ଟିକ୍ଟକ୍ ୟୁଜର୍ସ ଭିଡିଓ ଶୁଟିଂ କରୁଥିବା ସମୟରେ କମ୍ବଳ ଘୋଡାଇ ହୋଇ ଶୋଇଥିବା ଭୂମିହୀନ ବ୍ୟକ୍ତିଙ୍କ ନିକଟକୁ ଯାଇ କହନ୍ତି, ‘ୟୋ’। ଏହା ପରେ କମ୍ବଳ ହଲଚଲ ହେବାକୁ ଲାଗିଥିଲା। ବ୍ୟକ୍ତିଜଣଙ୍କ କମ୍ବଳ ଟିକେ କାଢିବା ପରେ ଯାହା ଘଟିଲା ତାହା ଏକ ଆଶ୍ଚର୍ଯ୍ୟଜନକ ଦୃଶ୍ୟ ଥିଲା। ହଠାତ୍ କମ୍ବଳ ତଳୁ ଅନେକ ମୂଷା ଦୌଡିବାକୁ ଲାଗିଥିଲେ।
ଟିକ୍ଟକ୍ ୟୂଜର୍ସ ଭିଡିଓ କ୍ୟାପସନରେ ଲେଖିଛନ୍ତି, ନ୍ୟୁୟର୍କରେ ମୂଷା ଏବଂ ଭୂମିହୀନ ସଙ୍କଟ ବିଷୟରେ କ‘ଣ କରାଯାଉଛି। ୨୪ ଘଣ୍ଟାରେ ଏହି ଭିଡିଓ ପ୍ରାୟ ସାତ ଲକ୍ଷ ଥର ଦେଖାଯାଇଥିଲା ଏବଂ ସୋସିଆଲ ମିଡିଆ ବ୍ୟବହାରକାରୀମାନେ ଅନେକ ପ୍ରତିକ୍ରିୟା ଦେଇଥିଲେ।