ପାଟନା,୩୦ା୬: ବିହାରର ରାଜଧାନୀ ପାଟନା ପୋଶ ବଜାରରେ ଥିବା ହଥୁଆ ମାର୍କେଟରେ ଗୁରୁବାର ସକାଳେ ଅଗ୍ନିକାଣ୍ଡ ଯୋଗୁ ଅନେକ ଦୋକାନ ପୋଡ଼ି ଛାରଖାର ହୋଇଯାଇଛି। ବଜ୍ରପାତରୁ ପ୍ରଥମେ ଏକ ବାଇକ୍ରେ ନିଆଁ ଲାଗିବା ପରେ ଏହା ଗୋଟିଏ ପରେ ଗୋଟିଏକୁ ବ୍ୟାପି ଯାଇଥିଲା। ଏହି ଅଗ୍ନିକାଣ୍ଡରେ କୋଟି କୋଟି ଟଙ୍କାର କ୍ଷୟକ୍ଷତି ହୋଇଥିବା ଜଣାପଡ଼ିଛି। ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବାରୁ କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ। ସ୍ଥାନୀୟ ଲୋକଙ୍କ କହିବାନୁଯାୟୀ, ଉକ୍ତ ଅଞ୍ଚଳରେ ପାଗ ଖରାପ ଥିବା ସହ ବଜ୍ରପାତ ହୋଇଥିଲା। ଏହି କାରଣରୁ ପ୍ରଥମେ ଏକ ବାଇକ୍ରେ ନିଆଁ ଲାଗି ପରେ ଦୋକାନ ସବୁ ଜଳିଯାଇଥିଲା।