ଯାଜପୁର ଅଫିସ,୧୯।୬: ଅଗ୍ନିପଥ ଯୋଜନାରେ ସେନାରେ ଅଗ୍ନିବୀର ନିଯୁକ୍ତି ପ୍ରତିବାଦରେ ଦେଶରେ ଆନ୍ଦୋଳନ କ୍ରମଶଃ ଉଗ୍ର ହେବାରେ ଲାଗିଛି। ଏହାକୁ ଦୃଷ୍ଟିରେ ରଖି ଶନିବାର ପୂର୍ବତଟ ରେଳପଥ ଅନ୍ତର୍ଗତ ବିଭିନ୍ନ ଯାତ୍ରୀବାହୀ ଟ୍ରେନ ଆଂଶିକ ରଦ୍ଦ ଓ ଦିଗ ପରିବର୍ତ୍ତନ ହୋଇଛି। ସୂଚନା ଅନୁଯାୟୀ ୦୮୪୩୯ ପୁରୀ-ପାଟନା ଏକ୍ସପ୍ରେସ, ୦୮୫୨୨ ବିଶାଖାପାଟଣା-ଗୁଣପୁର ସ୍ପେଶାଲ, ୦୮୫୨୧ ଗୁଣପୁର-ବିଶାଖାପାଟଣା ସ୍ପେଶାଲ, ୧୮୫୫୧ ବିଶାଖାପାଟଣା-କିରାଣ୍ଡୁଲ ଏକ୍ସପ୍ରେସ, ୧୭୨୪୦ ବିଶାଖାପାଟଣା-ଗୁଣ୍ଟୁର ସୀମାଦ୍ରି ଏକ୍ସପ୍ରେସ, ୧୨୮୦୭ ବିଶାଖାପାଟଣା-ନିଜାମୁଦ୍ଦିନ ସମତା ଏକ୍ସପ୍ରେସ, ୨୨୮୧୯ ଭୁବନେଶ୍ୱର-ବିଶାଖାପାଟଣା-ଭୁବନେଶ୍ୱର ଇଣ୍ଟରସିଟି ଏକ୍ସପ୍ରେସ, ୨୨୮୨୦ ବିଶାଖାପାଟଣା-ଭୁବନେଶ୍ୱର ଇଣ୍ଟରସିଟି, ୧୭୦୧୫ ଭୁବନେଶ୍ୱର-ସିକନ୍ଦରାବାଦ ବିଶାଖା ଏକ୍ସପ୍ରେସ, ୧୭୨୬୮ ବିଶାଖାପାଟଣା-କାକିନାଡା ପୋର୍ଟ ଏକ୍ସପ୍ରେସ, ୨୨୮୦୫ ଭୁବନେଶ୍ୱର-ଆନନ୍ଦବିହାର ସୁପରଫାଷ୍ଟ ଭାୟା ସମ୍ବଲପୁର ସିଟି, ୧୮୩୦୯ ସମ୍ବଲପୁର-ଜମ୍ମୁ ତାୱି ଏକ୍ସପ୍ରେସ, ୧୨୮୧୫ ପୁରୀ-ଆନନ୍ଦବିହାର-ନନ୍ଦନକାନନ ଏକ୍ସପ୍ରେସ, ୧୨୮୦୧ ପୁରୀ-ନୂଆଦିଲ୍ଲୀ ପୁରୁଷୋତ୍ତମ ଏକ୍ସପ୍ରେସ, ୧୨୮୧୬ ଆନନ୍ଦବିହାର-ପୁରୀ-ନନ୍ଦନକାନନ ଏକ୍ସପ୍ରେସ, ୧୮୪୨୦ ଜୟନଗର-ପୁରୀ ଏକ୍ସପ୍ରେସ, ୧୭୨୬୭ କାକିନାଡା ପୋର୍ଟ-ବିଶାଖାପଟନମ ଏକ୍ସପ୍ରେସ୍କୁ ଶନିବାରଠାରୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଉଭୟ ପାର୍ଶ୍ୱରୁ ରଦ୍ଦ କରାଯାଇଛି। ସେହିପରି ୧୮୫୫୧ କିରାଣ୍ଡୁଲ-ବିଶାଖାପାଟଣା ଏକ୍ସପ୍ରେସ ଓ ୧୭୦୧୫ ଭୁବନେଶ୍ୱର-ସିକନ୍ଦରାବାଦ ବିଶାଖା ଏକ୍ସପ୍ରେସ, ୦୮୪୪୦ ପାଟନା-ପୁରୀ ଏକ୍ସପ୍ରେସ, ୧୭୨୩୯ ଗୁଣ୍ଟୁର-ବିଶାଖାପାଟଣା ସୀମାଦ୍ରି ଏକ୍ସପ୍ରେସ ରବିବାରଠାରୁ ରଦ୍ଦ କରାଯାଇଛି। ୨୦୮୨୩ ପୁରୀ-ଆଜମେର ଏକ୍ସପ୍ରେସ, ୧୨୮୦୮ ନିଜାମୁଦ୍ଦିନ-ବିଶାଖାପାଟଣା ସମତା ଏକ୍ସପ୍ରେସ, ୨୨୮୦୬ ଆନନ୍ଦବିହାର-ଭୁବନେଶ୍ୱର ସୁପରଫାଷ୍ଟ ଏକ୍ସପ୍ରେସ ୨୦ ତାରିଖ ଏବଂ ୨୦୮୨୪ ଆଜମେର-ପୁରୀ ଏକ୍ସପ୍ରେସ ୨୩ ତାରିଖରୁ ରଦ୍ଦ ହୋଇଛି। ସେହିପରି ପୂର୍ବତଟ ରେଳପଥ ଦେଇ ଅତିକ୍ରମ କରୁଥିବା ଟ୍ରେନଗୁଡିକ ଯଥା ୧୨୨୫୩ ଯଶବନ୍ତପୁର-ଭାଗଲପୁର ଏକ୍ସପ୍ରେସ ୧୮ ତାରିଖ, ୨୨୬୪୩ ଏର୍ନାକୁଲମ-ପାଟନା ଏକ୍ସପ୍ରେସ ୨୦ ତାରିଖ, ୧୮୦୪୫ ସାଲିମାର-ସିକନ୍ଦରାବାଦ ଏକ୍ସପ୍ରେସ ୧୯ ତାରିଖ ଚଳାଚଳ ରଦ୍ଦ ହୋଇଛି। ପୂର୍ବତଟ ରେଳପଥ ଡିଭିଜନରୁ ଛାଡୁଥିବା ୩ ପ୍ରମୁଖ ଟ୍ରେନ ବିଶାଖାପାଟଣା ସ୍ଥଳେ ଅନକାପାଲିଠାରୁ ଛାଡ଼ିବ। ଏହାବାଦ ୧୦ଟି ପ୍ରମୁଖ ବାଉଣ୍ଡ ଟ୍ରେନ ଆଂଶିକ ଭାବେ ରଦ୍ଦ କରାଯାଇଛି। ଅନ୍ୟପକ୍ଷେ ୮ଟି ଟ୍ରେନ, ଯାହାକି ବିଶାଖାପାଟଣା ଦେଇ ଯିବା କଥା ତାହା ଦିଗ ପରିବର୍ତ୍ତନ କରି ଉତ୍ତର ସୀମାଞ୍ଚଳମ ଓ ଦୁଭାଡ଼ା ଦେଇ ଅତିକ୍ରମ କରିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି। ଅଗ୍ନିପଥ ଯୋଜନା ବିରୋଧୀ ଆନ୍ଦୋଳନ ଯୋଗୁ ଟ୍ରେନ ଯାତ୍ରୀଙ୍କୁ ହଟହଟା ହେବାକୁ ପଡ଼ୁଛି। ଅନ୍ୟପକ୍ଷରେ ହିଂସାକୁ ଦୃଷ୍ଟିରେ ରଖି ଯାଜପୁର-କେନ୍ଦୁଝର ରୋଡ୍ ରେଳଷ୍ଟେଶନରେ ଆର୍ପିଏଫ୍ ପକ୍ଷରୁ ଫ୍ଲାଗ୍ମାର୍ଚ୍ଚ କରାଯାଇଛି।