ମାଲକାନଗିରି, ୨୫ା୨(ଡି.ଏନ.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡ଼ର କୋଣ୍ଡାଗାଓଁର ମର୍ଦ୍ଦାପାଲ ଅଞ୍ଚଳରେ ଥିବା ଥାନା ନିକଟରେ ମାଓବାଦୀମାନେ ଏକ ଧମକପୂର୍ଣ୍ଣ ବ୍ୟାନର ଲଗାଇଥିବା ଶୁକ୍ରବାର ଦେଖିବାକୁ ମିଳିଛି। ଏଥିରେ ସେମାନେ ସ୍ଥାନୀୟ ଅଞ୍ଚଳରେ ଥିବା ନିକୋ ମାଇନ୍ସ କମ୍ପାନୀର ଦଲାଲ, କମ୍ପାନୀ ଅଧିକାରୀ ଏବଂ ଯାନଗୁଡ଼ିକୁ ସତର୍କ ରହିବାକୁ ସୂଚାଇଛନ୍ତି। ପୋଲିସ ଥାନା ନିକଟରେ ବ୍ୟାନର ଲଗାଇ ମାଓବାଦୀମାନେ ପୋଲିସକୁ ଖୋଲା ଚ୍ୟାଲେଞ୍ଜ ଦେଇଛନ୍ତି। ନାରାୟଣପୁର ଜିଲାର ପୂର୍ବତନ ବସ୍ତର ଡିଭିଜନାଲ ସିପିଆଇ ମାଓବାଦୀଙ୍କ ଦ୍ୱାରା ଲାଗିଥିବା ଏହି ବ୍ୟାନରରେ ଭାଜପା ଜିଲା ଉପାଧ୍ୟକ୍ଷ ସାଗର ସାହୁଙ୍କୁ ଦଣ୍ଡିତ କରାଯାଇଥିବା କୁହାଯାଇଛି। ସେହିପରି କମ୍ପାନୀ ସହ ରହିଥିବା ଲୋକେ ଜନସାଧାରଣଙ୍କ ସମ୍ମୁଖକୁ ଆସି କ୍ଷମା ମାଗନ୍ତୁ ବୋଲି ଦାବି କରାଯାଇଛି।