ମ.ରାମପୁର,୯।୫(ଡି.ଏନ.ଏ.): କଳାହାଣ୍ଡି ଜିଲା ମ. ରାମପୁର ବନାଞ୍ଚଳ ଟାପରଙ୍ଗ ସଂରକ୍ଷିତ ଜଙ୍ଗଲରେ ମଙ୍ଗଳବାର ମାଓବାଦୀ ଓ ପୋଲିସ ମଧ୍ୟରେ ଗୁଳି ବିନିମୟ ଘଟିଥିବା ସୂଚନା ମିଳିଛି। ଏଥିରେ ୩ ଜଣ ମାଓବାଦୀ ନିହତ ହୋଇଥିବା ବେଳେ ଡିଏସ୍ପି ଅତୁଲ ଦାସ ଆହତ ହେଇଥିବା ଜଣାପଡିଛି। ତାଙ୍କୁ ଭୀମ ଭୋଇ ହସ୍ପିଟାଲରେ ଭର୍ତ୍ତି କରାଯାଇଛି। ଗୁଇନ୍ଦା ବିଭାଗ ଗୁପ୍ତ ସୂଚନା ଆଧାରରେ ମାଓ କ୍ୟାମ୍ପରେ ସର୍ଚ୍ଚ ଅପରେଶନ ଆରମ୍ଭ ହୋଇଥିଲା। କିନ୍ତୁ ଖବର ଲେଖା ଯାଏ ପୋଲିସ ବିଭାଗ କିଛି ସ୍ପଷ୍ଟ କରିନାହିଁ। ମାଓ ଗତିବିଧି ଦିନକୁ ଦିନ ବୃଦ୍ଧି ସହିତ ସ୍ଥାୟୀ ମାଓ ଦମନ କ୍ୟାମ୍ପ ବୃଦ୍ଧି ଘଟୁଛି। କିନ୍ତୁ ପୋଲିସ ପ୍ରଶାସନକୁ ଆଶାନୁରୂପ ସଫଳତା ମିଳିନାହିଁ ।