ମାଲକାନଗିରି,୧୨ା୧୧(ଡି.ଏନ୍.ଏ.): ମାଲକାନଗିରି ଜିଲା ସ୍ବାଭିମାନ ଅଞ୍ଚଳ ଜଡ଼ାମ୍ବ ଥାନା ଅଞ୍ଚଳରେ ମାଓବାଦୀଙ୍କ ଦ୍ୱାରା ରଖା ଯାଇଥିବା ଅସ୍ତ୍ରଶସ୍ତ୍ର ଜବତ କରାଯାଇଛିା ଏ ସମ୍ବନ୍ଧରେ ମାଲକାନଗିରି ଏସ୍ପି ହୃଷୀକେଶ ଡି. ଖିଲାରୀ ଗୁରୁବାର ଏକ ଖବରଦାତା ସମ୍ମିଳନୀରେ ପ୍ରକାଶ କରିଛନ୍ତି।
ମାଲକାନଗିରି ଜିଲା ସ୍ବାଭିମାନ ଅଞ୍ଚଳ ଜଡ଼ାମ୍ବ ଥାନା ଅନ୍ତର୍ଗତ ଅରାପଦର ଓ ଅଣ୍ଡ୍ରାପାଲ୍ଲୀ ଅଞ୍ଚଳରେ ଏସ୍ଓଜ ଓ ଡିବିଏଫ୍ ଯବାନମାନେ କମ୍ବିଂ ଅପରେଶନ କରୁଥିବା ସମୟରେ କୌଣସି ସୂତ୍ରରୁ ଖବର ପାଇ ସେହି ଅଞ୍ଚଳରେ ମାଓବାଦୀଙ୍କ ଆଡ୍ଡା ଉପରେ ଚଢ଼ାଉ କରିଥିଲେ। ଉକ୍ତ ଆଡ୍ଡାରେ ୩୦୩ ଗୁଳି ୯୩, ରାଉଣ୍ଡ, ୯ ଏମ୍ ଏମ୍ ବନ୍ଧୁକ, ୫୫ ରାଉଣ୍ଡ ଗୁଳି, ଡିଟୋନେଟର ୧୩ଟି, ହ୍ୟାଣ୍ଡ ଗ୍ରେନେଡସ୍ ୧୪ଟି, ୨ ଲ୍ୟାଣ୍ଡ୍ମାଇନ, ସହ ଅନ୍ୟାନ୍ୟ ସାମଗ୍ରୀ ଜବତ କରିଥିଲେ। ତେବେ ଏହି ଅସ୍ତ୍ରଶସ୍ତ୍ର ଆନ୍ଧ୍ର-ଓଡ଼ିଶା ବୋର୍ଡ ଜୋନାଲ କମିଟି ପକ୍ଷରୁ ରଖା ଯାଇଥିବା ଜଣାପଡ଼ିଛି। ଏହି ଅସ୍ତ୍ରଶସ୍ତ୍ର ନିରୀହ ଆଦିବାସୀ ଓ ସୁରକ୍ଷାକର୍ମୀଙ୍କ ଉପରେ ବ୍ୟବହାର ପାଇଁ ରଖା ଯାଇଥିବା ଏସ୍ପି ପ୍ରକାଶ କରିଛନ୍ତି।
