ଲାଞ୍ଜିଗଡ଼,୧୯।୫(ଡି.ଏନ.ଏ): କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ସିକେରକୂପା ଫାଣ୍ଡି ଅଧିନସ୍ଥ ଡ଼େଙ୍ଗେନ ଛକ ବା କୁଚେଇଜୋର ଅଞ୍ଚଳରେ ମାଓ ପୋଷ୍ଟର ଲଗାଯାଇଥିବା ଦେଖିବାକୁ ମିଳିଛି । ଏନେଇ ଅଞ୍ଚଳରେ ଭୟର ବାତାବରଣ ଦେଖାଦେଇଛି। ଏହି ପୋଷ୍ଟରରେ ପାଷ୍ଟିକୁଡିର ଲାଲୁ ନିଆଲ, ଭବାନୀପାଟଣା ବଡ଼ପଡାର ବିନ୍ଦୁ ନାଏକ, ପାଣିଗାଁ ବୀଜମରା ଜୟପାଟଣାର ଭଦ୍ରାଞ୍ଚଳ ନାଏକ ଏମାନେ ୩ ଜଣ ସରକାରୀ ଶିକ୍ଷକଙ୍କୁ ଟଙ୍କା ମାଗି ହଇରାଣ କରୁଛନ୍ତ ବୋଲି କୁହାଯାଇଛି। ସରକାରୀ କର୍ମଚାରୀଙ୍କୁ ହଇରାଣ କରି ଟଙ୍କା ଆଦାୟ କରିବା ବନ୍ଦ କରାଯାଉ ଏବଂ ପୋଲିସ ଦ୍ୱାରା ଏହାର ଉଚିତ ଜବାବ ଦିଆଯାଉ ବୋଲି ଉଲ୍ଲେଖ କରାଯାଇଛି। ଭଦ୍ରାଞ୍ଚଳ ନାଏକ ନିରୀହ ଯୁବତୀଙ୍କୁ ଚାକିରୀ କରାଇ ଦେବା ନାଁରେ ଶାରୀରିକ ସମ୍ପର୍କ ରଖି ବ୍ଲାକମେଲ କରି ଟଙ୍କା ମାଗିବା, ସରକାରୀ ଶିକ୍ଷକଙ୍କୁ ହଇରାଣ କରି ଟଙ୍କା ମାଗିବା, ଏବଂ ମାଓବାଦୀ ବିରୋଧରେ ଯିବା ବନ୍ଦ କରିବା ପାଇଁ ଉଲ୍ଲେଖ ଅଛି। ଏଥିସହ ଲାଲୁ ନିଆଲ ପାଷ୍ଟିକୁଡିର ନିରୀହ ଯୁବତୀଙ୍କୁ ଚାକିରୀ କରାଇ ଦେବା ନାଁରେ ଶାରୀରିକ ସମ୍ପର୍କ ରଖି ବ୍ଲାକମେଲ କରି ଟଙ୍କା ମାଗୁଛନ୍ତି ତାହା ବନ୍ଦ ନକଲେ ପ୍ରଜା କୋର୍ଟକୁ ଡକାଯିବ ଏବଂ ଆଦିବାସୀଙ୍କଠୁ ଆଣିଥିବା ଏକ ସପ୍ତାହର ଟଙ୍କା ଫେରସ୍ତ କରିବାପାଇଁ ଉଲ୍ଲେଖ କରାଯାଇଛି।
ସୂଚନାଯୋଗ୍ୟ, କିଛିଦିନ ତଳେ ମଦନପୁର ରାମପୁର ଥାନା ଅନ୍ତର୍ଗତ ଟାପରଙ୍ଗ ଜଙ୍ଗଲରେ ଯବାନ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିବା ବେଳେ ୩ ଜଣ ମାଓବାଦୀଙ୍କୁ ନିହତ କରିଥିଲେ ଯବାନ।
