ପ୍ୟାରିସ୍: ନିକଟରେ ବୈଜ୍ଞାନିକମାନେ ୪ହଜାର ବର୍ଷ ପୁରୁଣା ଏକ ରହସ୍ୟମୟ ପଥର ବାବଦରେ କିଛି ତଥ୍ୟ ହାସଲ କରିଛନ୍ତି। ସେମାନଙ୍କ କହିବା କଥା କି, ପଥର ଉପରେ ହୋଇଥିବା କଳାକୃତି ପ୍ରକୃତରେ ଏକ ପ୍ରକାରର ଗୁପ୍ତ ଟ୍ରେଜର। ନକ୍ସା ଅଟେ। କାଂସ୍ୟ ଯୁଗର ଏହି ପଥର ସେଣ୍ଟ ବେଲାକ ସ୍ଲାବ୍ ନାମରେ ପରିଚିତ, ଯାହାକୁ ବୈଜ୍ଞାନିକମାନେ ୨୦୦୧ରେ ୟୁରୋପର ସବୁଠୁ ପୁରୁଣା ନକ୍ସା ବୋଲି କହିଥିଲେ। ସେବେଠାରୁ ବୈଜ୍ଞାନିକମାନେ ଏହି ନକ୍ସା ବାବଦରେ ଜାଣିବାକୁ ପ୍ରୟାସ କରୁଥିଲେ। ରିପୋର୍ଟ ମୁତାବକ, ବର୍ତ୍ତମାନ ବୈଜ୍ଞାନିକମାନେ ଫ୍ରାନ୍ସରେ ହଜିଯାଇଥିବା ପର୍ବତକୁ ଖୋଜିବାକୁ ଖଜାନା ନକ୍ସା ଭାବେ ବ୍ୟବହାର କରୁଛନ୍ତି। ୱେଷ୍ଟର୍ନ ବ୍ରିଟାନି ୟୁନିଭର୍ସିଟିର ପ୍ରଫେସର ୟବନ ପିଲାର କହିଛନ୍ତି, ପ୍ରତ୍ନତାତ୍ତ୍ୱିକ ସ୍ଥାନ ବାବଦରେ ଜାଣିବାକୁ ନକ୍ସା ଏକ ଉତ୍ତମ ମାଧ୍ୟମ। ଏଥିସହ ସେ କହିଛନ୍ତି, ଏହା ଏକ ଖଜାନାର ନକ୍ସା ଅଟେ। ତେବେ ଏହି ନକ୍ସା ବାବଦରେ ବୈଜ୍ଞାନିକଙ୍କୁ ଜାଣିବାକୁ ପ୍ରାୟ ୧୫ ବର୍ଷ ସମୟ ଲାଗିଯିବ। ଏହି ନକ୍ସା ୩୦ କିମି. ଲମ୍ବା ଓ ୨୧ କି.ମି. ଚଉଡ଼ା। ପଥରରେ ଛୋଟ ଛୋଟ ଗାତ ରହିଛି, ଯାହା କବର ସ୍ଥାନ ବୋଲି ବୈଜ୍ଞାନିକମାନେ ଅନୁମାନ କରୁଛନ୍ତି। କିଛିଟା ଜିନିଷ ନଦୀ ଏବଂ ପାହାଡ଼କୁ ଦର୍ଶାଉଛି। ଏହି ପଥର ପ୍ରଥମଥର ୧୯୦୦ରେ ଖୋଜାଯାଇଥିଲା। ପରେ ସେ ଏକ ମହଲର ଷ୍ଟୋର ରୁମ୍ରେ ୨୦୧୭ ପର୍ଯ୍ୟନ୍ତ ପଡ଼ିରହିଥିଲା।