ମୁମ୍ବାଇ: ବଲିଉଡ ଖିଲାଡି ବୟ ଅକ୍ଷୟ କୁମାର ତାଙ୍କ ପ୍ରଶଂସକଙ୍କର ମନୋରଞ୍ଜନ କରିବାରେ କୌଣସି କମି ରଖି ଥାଆନ୍ତି । ଏବେ ଅଭିନେତା ବଲିଉଡରୁ ସିଧା ମରାଠି ଫିଲ୍ମ ଇଣ୍ଡଷ୍ଟ୍ରିକୁ ଲମ୍ଫ ମାରିବାକୁ ଯାଉଛନ୍ତି । ସୂଚନାଯୋଗ୍ୟ, ମହେଶ ମାଂଜରେକରଙ୍କ ନିର୍ଦ୍ଦେଶନାରେ ନିର୍ମାଣ ହେବାକୁ ଯାଉଥିବା ଫିଲ୍ମରେ ଅକ୍ଷୟ କୁମାର ଛତ୍ରପତି ଶିବାଜୀ ମହାରାଜଙ୍କ ଭୂମିକାରେ ଅଭିନୟ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ ହୋଇଗଲେଣି । ଏହି ଫିଲ୍ମରେ ସେ ତାଙ୍କର ୧୦୦ ପ୍ରତିଶତ ଏଫର୍ଟ ଦେବେ ବୋଲି କହିଛନ୍ତି । କାରଣ ଏହା ତାଙ୍କର ବହୁତ ନିକଟତର । ଫିଲ୍ମ ‘ଭେଡାତ ମରାଠେ ବୀର ଦୈଦାଲେ ସାତ’ ଛତ୍ରପତି ଶିବାଜୀ ମହାରାଜଙ୍କ ଅସଧାରଣ ବାହାଦୂରି ଉପରେ ଆଧାରିତ ଫିଲ୍ମ । ଫିଲ୍ମର ଘୋଷଣା ବୁଧବାର ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଓ ମହାରାଷ୍ଟ୍ର ନବନିର୍ମାଣ ସେନାର ମୁଖ୍ୟ ରାଜ ଠାକରେଙ୍କ ଉପସ୍ଥିତିରେ କରାଯାଇଥିଲା ।
ସୂଚନାଯୋଗ୍ୟ, ଏହାକୁ ନେଇ କଥା ହେବା ସମୟରେ ଅକ୍ଷୟ ପିଟିଆଇକୁ କହିଛନ୍ତି, ମୁଁ ଛତ୍ରପତି ଶିବାଜୀ ମହାରାଜଙ୍କ ଭୂମିକାରେ ଅଭନୟ କରୁଛି, ରାଜ ଠାକରେଙ୍କ ଯୋଗୁଁ ମୋତେ ଏହି ଭୂମିକା ମିଳିଛି । ଠାକରେ କହିଥିଲେ. ଅକ୍ଷୟ ତୁମକୁ ଏହି ଚରିତ୍ରରେ ଅଭିନୟ କରିବା କଥା । ଆଉ ଏହା ଶୁଣିବା ପରେ ମୁଁ ଆଶ୍ଚର୍ଯ୍ୟ ହୋଇଯାଇଥିଲି । ମୋ ପାଇଁ ଏହା ବହୁତ ବଡ କଥା, ଏହା ବହୁତ ବଡ କାମ ଓ ଏଥିପାଇଁ ମୁଁ ମୋର ଶ୍ରେଷ୍ଠ ଏଫର୍ଟ ଦେବି ବୋଲି ଅକ୍ଷୟ କହିଛନ୍ତି ।
ଅକ୍ଷୟ କହିଛନ୍ତି .ଏଭଳି ଜଣେ ମହାନ ବ୍ୟକ୍ତିଙ୍କ ଚରିତ୍ରରେ ଅଭିନୟ କରିବା ବହୁତ ବଡ ଗୁରୁ ଦାୟିତ୍ୱ । ମୁଁ ଏଥିପାଇଁ ଖୁବ୍ ଖୁସିଅଛି । ଏହାସହ ନିର୍ଦ୍ଦେଶକ ମହେଶ ମାଂଜରେକର କହିଛନ୍ତି ଛତ୍ରପତି ଶିବାଜୀ ଭୂମିକାରେ ଅକ୍ଷୟ ଠିକ୍ କଳାକାର । ସେ କହିଛନ୍ତି ଏହି ଭୂମିକା ପାଇଁ ଅକ୍ଷୟ ଉଚିତ କଳାକାର । ଆମେ ଜଣେ ନିଶ୍ଚିତ ବ୍ୟକ୍ତିତ୍ୱ ଓ ଲୁକ୍ ଚାହୁଁଥିଲୁ, ଆଉ ଅକ୍ଷୟଙ୍କୁ ହିନ୍ଦୁ ରାଜା ଭୂମିକା ପାଇଁ ଉପଯୁକ୍ତ କଳାକାର । ସୂଚନାଯୋଗ୍ୟ, ଏହି ଫିଲ୍ମ ମରାଠି, ହିନ୍ଦୀ, ତେଲଗୁ ଓ ତାମିଲ ଭାଷାରେ ରିଲିଜ୍ ହେବ । ଏହା ଆସନ୍ତା ବର୍ଷ ଦୀପାବଳିରେ ଦର୍ଶକଙ୍କ ମନୋରଞ୍ଜନ କରିବ ।
