ଲଣ୍ଡନ,୨୦।୭: ଗଞ୍ଜେଇ ଧରି ବନ୍ଧୁଙ୍କ ସହ ବିମାନ ଯାତ୍ରା କରୁଥିବା ଆମେରିକୀୟ ସୁପର ମଡେଲ ଗିଗି ହାଡିଡ୍ ଗିରଫ ହୋଇଛନ୍ତି। ଗିଗି କେମାନ୍ ଆଇଲାଣ୍ଡରେ ଛୁଟି କଟାଇବାକୁ ଯାଇଥିଲେ। ଭାକେଶନ୍ରୁ ପ୍ରାଇଭେଟ୍ ଜେଟ୍ରେ ଜୁଲାଇ ୧୦ରେ ଫେରିବାବେଳେ ଓଓ୍ବେନ୍ ରୋବୋର୍ଟସ୍ ଇଣ୍ଟରନ୍ୟାଶନାଲ ବିମାନବନ୍ଦରରେ ସେ ଧରାପଡ଼ିଛନ୍ତି। ଗଞ୍ଜେଇ ଚୋରା ଚାଲାଣ ଅଭିଯୋଗରେ କଷ୍ଟମ୍ ପୋଲିସ ଦୁହିଁଙ୍କୁ ଗିରଫକରି ଡିଟେନ୍ଶନ ସେଣ୍ଟର ପଠାଇବା ପରେ ଜାମିନ୍ରେ ମୁକୁଳି ଯାଇଥିବା କୁହାଯାଉଛି। ମାମଲା ସଂକ୍ରାନ୍ତରେ ଗତ ୧୨ ତାରିଖରେ ଗିଗି ଓ ମାକ୍କର୍ଥି କୋର୍ଟରେ ଦୋଷୀ ପ୍ରମାଣିତ ହୋଇଛନ୍ତି। ଦଣ୍ଡାଦେଶ ଶୁଣାଣି କରାଯାଇ ନ ଥିବାବେଳେ ଦୁହିଁଙ୍କୁ ୧,୦୦୦ ଡଲାରର ଜରିମାନା ଦେବା ଲାଗି କୋର୍ଟ ନିର୍ଦ୍ଦେଶ ଦେଇଥିଲେ। ବୁଧବାର ଗିଗି ଇନ୍ଷ୍ଟାଗ୍ରାମରେ ଏକ ମିମର ସେଲ୍ଫି ପୋଷ୍ଟକରି କହିଛନ୍ତି, ସବୁ ଠିକ୍ ଅଛି, ଆଉ ଭଲଭାବେ ଶେଷ ହୋଇଯାଇଛି।