ଭୁବନେଶ୍ୱର,୧୫।୯: ସ୍ମାର୍ଟ ସିଟି ଭୁବନେଶ୍ୱରର ପ୍ରମୁଖ ବାଣିଜି୍ୟକସ୍ଥଳ ନେକ୍ସସ୍ ଏସ୍ପ୍ଲାନେଡ୍ ମଲ୍ରେ ଏକ ଅଭିନବ ପ୍ରୟାସ ‘ମ୍ୟାରିନ ମ୍ୟାଜିକ ଶୋ’ ର ଶୁଭାରମ୍ଭ କରାଯାଇଛି। ବିଶେଷକରି ମଲ୍ ପରିସରକୁ ଆସୁଥିବା ଗ୍ରାହକଙ୍କ ପିଲାମାନଙ୍କ ପାଇଁ ଏହି ଶୋ’ର ବ୍ୟବସ୍ଥା କରାଯାଇଛି। ଏପରିକି ସମୁଦ୍ରର ଅଗଭୀର ଜଳରେ ରହୁଥିବା ଜୀବ ଜନ୍ତୁମାନଙ୍କ ବିଷୟରେ ଜାଣିବାକୁ ପିଲାଙ୍କର ଇଚ୍ଛା ହୋଇଥାଏ। ଏହାକୁ ବାସ୍ତବତାର ରୂପ ଦେବା ପାଇଁ ମଲ୍ରେ ଏଭଳି ଏକ ମ୍ୟାଜିକ ଶୋ’ର ପ୍ରସ୍ତୁତି ହୋଇଛି। ଉକ୍ତ ଶୋ ଚଳିତ ବର୍ଷ ସେପ୍ଟେମ୍ବର ୨୨ ପର୍ଯ୍ୟନ୍ତ ଜାରି ରହିବ ବୋଲି ମଲ୍ ପକ୍ଷରୁ କୁହାଯାଇଛି। ସେହିଭଳି ପାଣିରେ ରହୁଥିବା ଜୀବମାନଙ୍କ ଗତିବିଧି ବିଷୟରେ ସମ୍ପୂର୍ଣ୍ଣ ତଥ୍ୟ ଭର୍ଚୁଆଲ ସ୍କ୍ରିନ୍ ମାଧ୍ୟମରେ ଅନୁଭବ କରିହେବ। ପାଣି ଭିତରେ ରହିଥିବା ସୁନ୍ଦର ଜୀବଙ୍କର ସ୍କେଚ୍କୁ ଛୁଇ ଶାରୀରିକ ଏବଂ ଭର୍ଚୁଆଲି ଦୁନିଆରେ ଯାଦୁକରୀ ସଂଯୋଗ ସହ ଯାଦୁକରୀର କଳାର ଅନୁଭବ କରନ୍ତୁ ବୋଲି ମଲ୍ ପକ୍ଷରୁ ସୂଚନା ଦିଆଯାଇଛି।