ୱାଶିଂଟନ,୨୫ ।୩: ଫେସବୁକର ଫାଉଣ୍ଡର ମାର୍କ ଜୁକରବର୍ଗଙ୍କ ଘରକୁ ଆଉ ଜଣେ ନୂଆ ଅତିଥି ଆସିଛନ୍ତି । ତାଙ୍କ ପତ୍ନୀ ପ୍ରିଶିଲା ଚାଂନ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଜୁକରବର୍ଗ ଫେସବୁକରେ ଏହାର ସୂଚନା ଦେଇଛନ୍ତି । ମାର୍କ ଫଟୋ ଶେୟାର କରି ଲେଖିଛନ୍ତି, ଓରିଲିୟା ଚାଂନ ଜୁକରବର୍ଗ, ବିଶ୍ୱକୁ ସ୍ୱାଗତ, ତୁମେ ସତରେ ଈଶ୍ୱରଙ୍କ ଆଶୀର୍ବାଦ, ମାର୍କ ଜୁକରବର୍ଗ ଓ ପ୍ରିଶିଲାଙ୍କ ଏହା ହେଉଛି ତୃତୀୟ ସନ୍ତାନ ।
ସୂଚନାଯୋଗ୍ୟ, ମାର୍କ ଜୁକରବର୍ଗ ସେପ୍ଟେମ୍ବର ୨୦୨୨ରେ ସୋସିଆଲ ମିଡିଆରେ ପ୍ରଥମଥର ପତ୍ନୀ ଗର୍ଭବତୀ ଥିବା ସୂଚନା ଦେଇଥିଲେ । ସେ କହିଥିଲେ କି ମୁଁ ତୃତୀୟ ଥର ପିତା ହେବାକୁ ଯାଉଛି । ମେଟା ସିଇଓ ପତ୍ନୀ ପ୍ରିଶିଲାଙ୍କ ଫଟୋ ଶେୟାର କରି ଏହି ସୂଚନା ଦେଇଥିଲେ । ଜୁକରବର୍ଗଙ୍କର ପୂର୍ବରୁ ଦୁଇଟି ସନ୍ତାନ ରହିଛନ୍ତି । ସେମାନେ ହେଲେ ମ୍ୟାକ୍ସ ଓ ଅଗଷ୍ଟ ।