ବରଗଡ଼ ଅଫିସ୍,୧୮।୨: ବିଶ୍ୱର ଏକ ନମ୍ବର ମୋଟରସାଇକେଲ ନିର୍ମାତା ହିରୋ ମୋଟୋକର୍ପ ପକ୍ଷରୁ ୧୧୦ ସିସି ବିଶିଷ୍ଟ ସ୍କୁଟରର ସ୍କୁଟର ଜୁମ୍ର ବଜାର ପ୍ରବେଶ ହୋଇଛି । ଏହି ପରିପ୍ରେକ୍ଷୀରେ ବରଗଡ଼ସ୍ଥିତ ଅଧିକୃତ ବିକ୍ରେତା ଆକାଶ ମୋଟର୍ସ ପରିସରରେ ଏହାର ସ୍ବତନ୍ତ୍ର ବଜାର ପ୍ରବେଶ ପର୍ବ ଅନୁଷ୍ଠିତ ହୋଇଥିଲା। ଯୁବବର୍ଗକୁ ଆଖିରେ ରଖି ହିରୋ ମୋଟୋକର୍ପ ୧୧୦ ସିସି ଇଞ୍ଜିନ ବିଶିଷ୍ଟ ଏହି ନୂତନ ସ୍କୁଟର୍ ଜୁମ୍ ନିର୍ମାଣ କରିଥିବା ସୂଚନା ଦିଆଯାଇଛି। ଟୁ ହ୍ବିଲର ଇଣ୍ଟଷ୍ଟ୍ରିରେ ପ୍ରଥମଥର ପାଇଁ କର୍ନର ବେଣ୍ଡ୍ ଲାଇଟ୍ ଯୁକ୍ତ ଏହି ସ୍କୁଟରରେ ବୃହତ୍ ଚଉଡ଼ା ଟାୟାର ସହିତ ଫ୍ୟୁଚରଷ୍ଟିକ ଡିଜାଇନ, ଆଡ଼ଭାନ୍ସ ଟେକ୍ନୋଲୋଜି, ବ୍ଲୁଟୁଥ୍ କନେକ୍ଟିଭିଟି, ଏଚ୍ ସିଗ୍ନେଚର ଏଲଇଡ଼ି ହେଡ୍ ଓ ଟେଲ ଲ୍ୟାମ୍ପ ରହିଛି। ବେଷ୍ଟ ଇନ୍ କ୍ଲାସ୍ ମାଇଲେଜ ଦେଉଥିବା ଏହି ସ୍କୁଟର ୩ଟି ଭେରିଏଣ୍ଟ ତଥା ୫ଟି କଲରରେ ଉପଲବ୍ଧ ହେବ। ଏହାର ବେଶ୍ ମୋଡ଼େଲ୍ର ଏକ୍ସଶୋରୁମ ମୂଲ୍ୟ ୭୪ହଜାର ୨୯୯ ଟଙ୍କା ରହିଥିବାବେଳେ ଟପ୍ ମୋଡ଼େଲର ମୂଲ୍ୟ ୮୨ହଜାର ୪୯୯ ଟଙ୍କା ରହିଛି। ଏହାର ହାଇଟେକ୍ ଟେକ୍ନୋଲୋଜି ସାଙ୍ଗକୁ ଦମଦାର୍ ଲୁକ୍ ଗ୍ରାହକଙ୍କୁ ବେଶ ଆକୃଷ୍ଟ କରିବ ବୋଲି ଆକାଶ ମୋଟର୍ସର ନିର୍ଦ୍ଦେଶକ ଆକାଶ କୁମାର ଅଗ୍ରୱାଲ ଆଶା ପ୍ରକଟ କରିଛନ୍ତି। ଏହି ନୂତନ ସ୍କୁଟରର ବଜାର ପ୍ରବେଶ ପର୍ବରେ ବହୁ ଗ୍ରାହକ, ଫାଇନାନ୍ସ କମ୍ପାନୀ ପ୍ରତିନିଧି, ଶୋରୁମ୍ର ସମସ୍ତ କର୍ମଚାରୀ ଉପସ୍ଥିତ ଥିଲେ। ଶୋରୁମ୍ ମ୍ୟାନେଜର ବସନ୍ତ କୁମାର ସାହୁ କାର୍ଯ୍ୟକ୍ରମକୁ ପରିଚାଳନା କରିଥିଲେ।
