ଗୋଟିଏ ଝିଅର ବିବାହ ବୟସ ହୋଇ ନ ଥିବା ବେଳେ ପରିବାର ଲୋକେ ତାଙ୍କୁ ବିବାହ କରି ଦେଉଛନ୍ତି। ବିଚରା ଝିଅଟି ବିବାହ ଡ୍ରେସ୍, ମେକ୍ଅପ୍ ନେଇ ସୁନା ଅଳଙ୍କାର ପିନ୍ଧି ପରିବାର ଲୋକଙ୍କ କଥାରେ ବାହା ହୋଇଯାଉଛି। ଖାଲି ଏତିକି ନୁହେଁ, ନାବାଳିକା ନବବଧୂଟି ଗାଡ଼ିବର୍ତ୍ତି ଯୌତୁକ ସାମଗ୍ରୀ ସହ ନଜର ଆସିଛନ୍ତି। ଯାହା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଏହି କାହାଣୀ କାଳ୍ପନିକ। ମାତ୍ର ଏହି ଫଟୋକୁ ନେଇ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି।
ପାକିସ୍ତାନର ଡିଜାଇନର ଅଲ୍ଲୀ ଜିଶାନ ଯୌତୁକ ବିରୋଧରେ ସ୍ବର ଉଠାଇବା ପାଇଁ ଏପରି ଏକ କାହାଣୀ ତିଆରି କରିଛନ୍ତି। ସମାଜର ଲୋକଙ୍କୁ ସଚେତନ କରାଇବା ପାଇଁ ତାଙ୍କର ଏହା ଗୋଟେ ଛୋଟ ପ୍ରୟାସ। ୟୁନାଇଟେ୍ଡ୍ ନେଶନସ ଓ୍ବମେନ ପାକିସ୍ତାନ ସହିତ ପାର୍ଟନରଶିପ୍ରେ ଡିଜାଇନର ଅଲ୍ଲୀ ଜିଶାନ ଥିଏଟର ଷ୍ଟୁଡିଓରେ ଇନ୍ଷ୍ଟାଗ୍ରାମରେ ଏହି ଭିଡିଓ ପୋଷ୍ଟ କରିଛନ୍ତି। ଯେଉଁଥିରେ ଫ୍ୟାଶନ ଶୋର ଏକ ଅଂଶ ଦେଖିବାକୁ ମିଳିଛି। ଏହି କାହାଣୀର ନିର୍ଦ୍ଦେଶନା ଦେଇଛନ୍ତି ଅବଦୁଲ୍ଲା ହ୍ୟାରିସ। ଏହି ଫଟୋରୁ ସମାଜକୁ ବାର୍ତ୍ତା ଅଛି କି ସ୍ବାମୀଙ୍କଠାରୁ ଯୌତୁକର ଓଜନର ବେଶୀ। ଝିଅଟି ଯୌତୁକକୁ ହାତରୁ ଟାଣି ନେଇ ଯନ୍ତ୍ରଣାରେ କାନ୍ଦୁଥିବା ନଜର ଆସିଛନ୍ତି।
ଭିଡିଓରେ କ୍ୟାପଶନ ଲେଖାଯାଇଛି, ଯୌତୁକ ସମସ୍ୟା ଯୋଗୁ ପ୍ରତ୍ୟେକ ପରିବାର ଝିଅକୁ ଉଚ୍ଚ ଶିକ୍ଷିତ କରିବା ଉଚିତ୍। ଯୌତୁକ ଅପେକ୍ଷା ଝିଅ ଶିକ୍ଷିତ ହେବା ଭଲ।