ବିବାହ ଅବସରରେ ଏପରି ଅନେକ ରୀତିନୀତି ଅଛି, ଯାହା ସମ୍ପୂର୍ଣ୍ଣ ହେବାକୁ ପ୍ରାୟ ୨-୪ ଘଣ୍ଟା ଲାଗେ। ଏହି ସମୟରେ ପରିବାର ସଦସ୍ୟଙ୍କଠାରୁ ଆରମ୍ଭ କରି ସମ୍ପର୍କୀୟ ଏବଂ ବନ୍ଧୁମାନେ ବର-କନ୍ୟା ମଜା କରିବାକୁ ଭୁଲନ୍ତି ନାହିଁ । ବରଣମାଳା ପକାଇବା ସମୟ ହେଉ କିମ୍ବା ମଣ୍ଡପରେ ବର ଏବଂ କନ୍ୟା ସାତ ଫେରା ନେବା ସମୟରେ ସାଙ୍ଗସାଥୀ ଥଟ୍ଟାମଜା କରିଥା’ନ୍ତି। ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ଭିଡିଓରେ ସାତ ଫେରା ନେବାବେଳେ କନ୍ୟା ଧୀରେ ଧୀରେ ଚାଲୁଥବାରୁ ଘରର କିଛି ସଦସ୍ୟ କନ୍ୟାଙ୍କୁ ଠେଲି ଦେଇଥିଲେ। ଏହାପରେ ସେ ପଛକୁ ଚାହଁି ଜୋର୍ରେ ହସିବାକୁ ଲାଗିଥିଲେ। ଏହାଦେଖି ଉପସ୍ଥିତ ଥିବା ପରିବାର ସଦସ୍ୟମାନେ ମଧ୍ୟ ଜୋରରେ ହସିବାକୁ ଲାଗିଲେ। କିଛି ସେକେଣ୍ଡର ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ପ୍ରିୟଙ୍କା ବାକୁଲ ନାମକ ଜଣେ ଇନଷ୍ଟାଗ୍ରାମ ୟୁଜର୍ସ ଶେୟାର କରିଛତି। ହଜାର ହଜାର ଲୋକ ଭିଡିଓକୁ ପସନ୍ଦ କରୁଥିବାବେଳେ ଏକ ଲକ୍ଷରୁ ଅଧିକ ଲୋକ ଏହାକୁ ଦେଖି ସାରିଲେଣି।