ମୁଜାଫରନଗର, ୨୨।୮: ଉତ୍ତର ପ୍ରଦେଶର ମୁଜାଫରନଗରରୁ ଏକ ଅଜବ ଘଟଣା ସାମ୍ନାକୁ ଆସିଛି। ବଳାତ୍କାରର ଶିକାର ହୋଇଥିବା ୧୦ ବର୍ଷର ଜଣେ ବାଳିକାଙ୍କୁ ଶେଷରେ ବଳାତ୍କାରୀ ବ୍ୟକ୍ତି ସହ ବିବାହ କରିଦିଆଯାଇଥିଲା। କିନ୍ତୁ ବିବାହର ସାଢ଼େ ୪ ବର୍ଷ ପରେ ସେହି ବ୍ୟକ୍ତିଜଣଙ୍କ ବାଳିକାଙ୍କୁ ତିନି ତଲାକ୍ ଦେଇ ବାପ ଘରକୁ ପଠାଇ ଦେଇଛି। ତେବେ ସବୁଠାରୁ ଆଶ୍ଚର୍ଯ୍ୟଜନକ ଘଟଣା ହେଉଛି ଏହି ଘଟଣାର ମୁଖ୍ୟ ଅଭିଯୁକ୍ତ ଜଣଙ୍କ ହେଉଛନ୍ତି ବାଳିକାଙ୍କ ଭଉଣୀର ଦିଅର। ଯେତେବେଳେ ବାଳିକାଜଣଙ୍କ ‘ଚାଇଲ୍ଡ କେୟାର ହେଲ୍ପଲାଇନ୍’ରେ ଅଭିଯୋଗ କରିଥିଲେ ସେତେବେଳେ ପୁରା ଘଟଣା ସାମ୍ନାକୁ ଆସିଥିଲା। ଚାଇଲ୍ଡ ହେଲ୍ପଲାଇନର ସଦସ୍ୟ ବାଳିକାର ଗ୍ରାମକୁ ଯାଇ ସାକ୍ଷାତ୍ କରି ଆସିଛନ୍ତି। ଚାଇଲ୍ଡ ହେଲ୍ପଲାଇନ୍ ପକ୍ଷରୁ ଏହି ମାମଲାକୁ ଏବେ ପୋଲିସକୁ ହସ୍ତାନ୍ତର କରିଦିଆଯାଇଛି। ହେଲ୍ପଲାଇନର ସଦସ୍ୟା ପୁନମ ଶର୍ମାଙ୍କ କହିବାନୁଯାୟୀ, ବାଳିକାଜଣଙ୍କ ୨୦୧୬ରେ ତାଙ୍କ ଭଉଣୀଙ୍କ ଦିଅରଙ୍କୁ ବିବାହ କରିଥିଲେ।
ଶାମଲି ଜିଲାରେ ରହୁଛନ୍ତି। ଗତ ୪ ଅଗଷ୍ଟରେ ସେ ବାଳିକାଙ୍କୁ ତଲାକ୍ ଦେଇଥିବା କହି ତାଙ୍କ ବାପ ଘରେ ଛାଡ଼ି ଦେଇଥିଲେ। ଏହାପରେ ବାଳିକାଜଣଙ୍କ ଚାଇଲ୍ଡ ହେଲ୍ପଲାଇନର ସହାୟତା ନେଇଥିଲେ। ଏହି ଘଟଣାରେ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି।