କୁହାଯାଏ, ଜଣେ ବନ୍ଧୁ ହିଁ ସବୁକିଛି କରିପାରେ। ଯେତେବଡ଼ ଅସୁବିଧାରେ ପଡ଼ିଥିଲେ ମଧ୍ୟ ସଚ୍ଚା ବନ୍ଧୁଟି ଆଗେ ଦୌଡ଼ି ଆସେ ସାହାଯ୍ୟ ସହଯୋଗ କରିବା ପାଇଁ। ଠିକ୍ ସେମିତି ଏକ ଘଟଣା ଘଟିଛି ଜଣେ ବ୍ୟକ୍ତିଙ୍କ ଠାରେ। ଦୁଇ ବନ୍ଧୁଙ୍କର ବୁଲାବୁଲିରେ ବେଶ୍ ରୁଚି ଥିଲା। ଦୁଇଜଣ ମିଶି ପାହାଡ଼ ଚଢୁଥିଲେ। ଆଲେକ୍ସ ଲୋ ଏବଂ କୋନାର୍ଡ ଏଙ୍କର ନାମକ ଦୁଇ ବନ୍ଧୁ। ସବୁବେଳେ ଦୁହେଁ ଭାବିଥାନ୍ତି କେବେ ବି ଅଲଗା ହେବା ନାହିଁ। ମାତ୍ର ଭଗବାନଙ୍କ ନିୟମ ଆଉ କିଛି ଅଲଗା ଥିଲା।
୧୯୯୯ ମସିହାରେ ଆଲେକ୍ସ ୨୬୦୦୦ ଫୁଟ ଉଚ୍ଚ ପର୍ବତ ଶିଶାପାଙ୍ଗ୍ମାରୁ ପଡ଼ି ମୃତ୍ୟୁବରଣ କରିଥିଲେ। ଏହି ସମୟରେ କୋନାର୍ଡ ତାଙ୍କ ସହ ଥିଲେ। ଏହି ଘଟଣାରେ ୩୧ ପର୍ବତାରୋହୀଙ୍କ ମୃତ୍ୟୁ ଘଟିଥିଲା। ଏକୁଟିଆ କୋନାର୍ଡ ବଞ୍ଚି ଯାଇଥିଲେ। ଏ ବିଷୟରେ ସେ ଆଲେକ୍ସଙ୍କ ସ୍ତ୍ରୀଙ୍କୁ ଖବର ଦେଇଥିଲେ।
ଆଲେକ୍ସ ସ୍ତ୍ରୀ ଏବଂ ୩ ସନ୍ତାନଙ୍କୁ ଛାଡ଼ି ଚାଲିଗଲେ। କୋନାର୍ଡଙ୍କ ମନରେ ଥିଲା ସେ ତାଙ୍କ ବନ୍ଧୁଙ୍କ ପରିବାରକୁ ସାହାଯ୍ୟ ସହଯୋଗ କରିବେ। କୋନାର୍ଡ ସାହସ ଜୁଟାଇ ବନ୍ଧୁଙ୍କ ସ୍ତ୍ରୀଙ୍କୁ ବିବାହ ପ୍ରସ୍ତାବ ଦେଇଥିଲେ। ଏଥିରେ ବି ରାଜି ହୋଇଯାଇଥିଲେ ଆଲେକ୍ସଙ୍କ ସ୍ତ୍ରୀ। କୋନାର୍ଡ ୩ ସନ୍ତାନଙ୍କ ପିତା ହୋଇଗଲେ। ଆଲେକ୍ସଙ୍କ ବୟସ ୪୦ ଏବଂ କୋନାର୍ଡଙ୍କ ବୟସ ୩୬। ଏହି କାହାଣୀ ସୋସିଆଲ ମିଡିଆରେ ବେଶ୍ ଚର୍ଚ୍ଚା ହେଉଛି। କିଛି ଲୋକ ଏହା ଜାଣି ଭାବପ୍ରବଣ ହୋଇଯାଇଛନ୍ତି।