ଟୋକିଆ, ୨୦।୭: ମଙ୍ଗଳ ଅଭିମୁଖେ ୟୁଏଇର ମହାକାଶ ଯାନ ‘ଅଲ୍-ଅମଲ’ ଅର୍ଥାତ୍ ‘ଆଶା’(ହୋପ୍) ସୋମବାର ଯାତ୍ରା ଆରମ୍ଭ କରିଛି। ଏହାକୁ ଜାପାନର ମହାକାଶ ଗବେଷଣା କେନ୍ଦ୍ରରୁ ଭୋର୍ ୬ଟା ୫୮ ମିନିଟ୍ରେ ଉତ୍କ୍ଷେପଣ କରାଯାଇଛି। ଏହା ୟୁଏଇର ପ୍ରଥମ ମହାକାଶ ଅଭିଯାନ। ମହାକାଶ ଯାନ ‘ଅଲ୍-ଅମଲ’ ସାତ ମାସ ପରେ ୨୦୨୧ ଫେବୃୟାରୀରେ ମଙ୍ଗଳର କକ୍ଷ ପଥରେ ପ୍ରବେଶ କରିବାର ସମ୍ଭାବନା ରହିଛି। ଏହାକୁ ଜାପାନ ରକେଟ ଏଚ୍-୨-ଏ ସହାୟତାରେ ଉତ୍କ୍ଷେପଣ କରାଯାଇଛି। ପ୍ରଥମେ ଜୁଲାଇ ୧୫ରେ ଉତ୍କ୍ଷେପଣ କରାଯିବାର ଯୋଜନା ଥିଲା। ତେବେ ଖରାପ ପାଗ ଯୋଗୁ ଉତ୍କ୍ଷେପଣକୁ ସ୍ଥଗିତ ରଖାଯାଇଥିବା ରକେଟ ନିର୍ମାତା ମିତୁସ୍ବିଶି ହେଭି ଇଣ୍ଡଷ୍ଟ୍ରି ପକ୍ଷରୁ ସୂଚନା ଦିଆଯାଇଛି।