ଅହମଦାବାଦ,୮ ।୯: ଗୂଜରାଟ ଅହମଦାବାଦର ଶହୀଦ ଲାନ୍ସ ନାଏକ ଗୋପଳ ସିଂ ଭଦୋରିୟାଙ୍କ ମାତା ପିତା କୋରିୟରରେ ପହଞ୍ଚିଥିବା ଏକ ‘ସୌର୍ଯ୍ୟ ଚକ୍ର’କୁ ଫେରାଇ ଦେଇଛନ୍ତି । ସେମାନେ କହିଛନ୍ତି ଶହୀଦର ସମ୍ମାନକୁ କୋରିୟରରେ ପଠାଇ ଆପଣ ଆମ ଶହୀଦ ପୁଅର ଅସମ୍ମାନ କରିଛନ୍ତି । ସେଥିପାଇଁ ଆମେ ଏହାକୁ ଫେରାଇ ଦେଉଛୁ ।
ଗଣମାଧ୍ୟମର ସୂଚନା ଅନୁଯାୟୀ, ଏବେ ଶହୀଦଙ୍କ ପରିବାର ରାଷ୍ଟ୍ରପତି ଭବନ ଯିବେ ଓ ସେଠାରେ ସମସ୍ତଙ୍କ ସାମ୍ନାରେ ସମ୍ମାନ ଦିଆଯାଉ ବୋଲି ଦାବି କରିବେ । ପରିବାର ସଦସ୍ୟଙ୍କ କହିବା କଥା ହେଲା ଆମ ପୁଅ ଦେଶ ପାଇଁ ପ୍ରାଣବଳୀ ଦେଇଛି । ହେଲେ ସରକାର ଜଣେ ଶହୀଦଙ୍କୁ ଏମିତି ସମ୍ମାନୀତ କରୁଛନ୍ତି । ଏହାକ’ଣ କିଛି ଲୁଚାଇବା ଜିନିଷ ଯେ ଆପଣ ଚୁପଚାପ ଏହାକୁ ପଠାଇ ଦେଉଛନ୍ତି । ଶହୀଦଙ୍କ ମାତା-ପିତା କହିଛନ୍ତି ଦେଶ ପାଇଁ ଆମ ପୁଅ ଜୀବନ ଦେଇଛି ସେଥିପାଇଁ ତାକୁ ଦେଶ ସାମ୍ନାରେ ହିଁ ସମ୍ମାନୀତ କରାଯାଉ । ସୂଚନାଯୋଗ୍ୟ, ଗୋପଳ ସିଂଙ୍କୁ ମଧ୍ୟ ମୁମ୍ବାଇ ୨୬/୧୧ ଆତଙ୍କବାଦୀ ଆକ୍ରମଣ ସମୟରେ ତାଙ୍କର ସାହସିକତା ପାଇଁ ‘ବିଷିଷ୍ଟ ସେବା ପଦକ’ରେ ସମ୍ମାନୀତ କରାଯାଇଥିଲା । ତେବ ୨୦୧୭ରେ ଜମ୍ମୁ-କଶ୍ମୀରର କୁଲଗାମ ଜିଲାରେ ଆତଙ୍କବାଦୀଙ୍କ ଆକ୍ରମଣରେ ଲାନ୍ସ ନାଏକ ଗୋପଳ ସିଂ ଶହୀଦ ହୋଇ ଯାଇଥିଲେ ।