ଭୁବନେଶ୍ୱର,୧୪।୫: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ମାରୁତି ସୁଜୁକି ଇଣ୍ଡିଆ ଲିମିଟେଡ୍ (ଏମ୍ଏସ୍ଆଇଏଲ୍)ର ଅପ୍ଗ୍ରେଡେଡ୍ ହାଲୁକା କମର୍ସିଆଲ ଭେଇକିଲ ସୁପର କ୍ୟାରିର ସର୍ବଭାରତୀୟ ଉନ୍ମୋଚନ ଓ ପ୍ରବେଶ ନିକଟରେ ହୋଇଯାଇଛି। ଏହି ପରିପ୍ରେକ୍ଷୀରେ ଏମ୍ଏସ୍ଆଇଏଲ୍ ସ୍ବୀକୃତିପ୍ରାପ୍ତ ଡିଲର ମାରୁତି ସୁଜୁକି କମର୍ସିଆଲ (ତୁସି ମୋଟର୍ସ ପ୍ରାଇଭେଟ୍ ଲିମିଟେଡ୍)ର ଖଣ୍ଡଗିରିଠାରେ ଆୟୋଜିତ ଏ କାର୍ଯ୍ୟକ୍ରମରେ ଏହାର ଅନାବରଣ କରାଯାଇଥିଲା। ଏହି ଅବସରରେ ଏମ୍ଏସ୍ଆଇଏଲ୍ର ଟିଏସ୍ଏମ୍ ସୋଭନ ପଟ୍ଟନାୟକ,କମର୍ସିଆଲ ସେଲ୍ସ ହେଡ୍ ପ୍ରଦୋଷ ଦାସଙ୍କ ସମେତ ତୁସି ମୋଟର୍ସର ଏମ୍ଡି ପ୍ରତିପଲ୍ଲବୀ ପଟ୍ଟନାୟକ, ନିର୍ଦ୍ଦେଶକ ଅଂଶୁମାନ ପଟ୍ଟନାୟକ ଏବଂ ଉପସଭାପତି ହରମୋହନ ମହାନ୍ତି ପ୍ରମୁଖ ଉପସ୍ଥିତ ଥିଲେ।
ଉଲ୍ଲେଖଯୋଗ୍ୟ,ମାରୁତି ସୁଜୁକି ସୁପର କ୍ୟାରି ଉଭୟ ପେଟ୍ରୋଲ ଏବଂ ସିଏନ୍ଜି ଭାରିଆଣ୍ଟରେ ଉପଲବ୍ଧ ହେଉଥିବା ବେଳେ ଏଥିରେ ମାରୁତି ସୁଜୁକିର ଆଧୁନିକ ୧.୨ ଏଲ୍, ନ୍ୟୁ କେ-ସିରିଜ ଡୁଆଲ ଜେଟ୍ ଏବଂ ଡୁଆଲ ଭିଭିଟି ଇଞ୍ଜିନ ଆଦି ସାମିଲ ରହିଛି। ସେହିଭଳି ମାରୁତି ସୁଜୁକି ସୁପର କ୍ୟାରି ମିନି ଟ୍ରକ୍ରେ ଏକ ୪-ସିଲିଣ୍ଡର ଇଞ୍ଜିନ ରହିଛି, ଯାହା ବ୍ରାଣ୍ଡ୍ର ପେଟ୍ରୋଲ ମଡେଲରେ ୬୦୦୦ ଆର୍ପିଏମ୍ ସହ ୫୯.୪ କେଡବ୍ଲ୍ୟୁ (୮୦.୭ ପିଏସ୍)ର ସର୍ବାଧିକ ଶକ୍ତି ଏବଂ ୨୯୦୦ ଆର୍ପିଏମ୍ରେ ୧୦୪.୪ ଏନ୍ଏମ୍ର ସର୍ବାଧିକ ଟର୍କ ପ୍ରଦାନ କରୁଛି। ଏ ସମ୍ପର୍କରେ ତୁସି ମୋଟର୍ସର ଏମ୍ଡି ପ୍ରତିପଲ୍ଲବୀ ପଟ୍ଟନାୟକ କହିଛନ୍ତି, ମାରୁତି ସୁଜୁକି ସର୍ବଦା ଏଭଳି ଏକ ଉପତ୍ାଦ ପ୍ରଦାନ କରିଥାଏ, ଯାହା ଗ୍ରାହକଙ୍କ ଆଶାଠାରୁ ଅଧିକ । ସେହିଭଳି ସୁପର କ୍ୟାରିକୁ ଭାରତୀୟ ମିନି ଟ୍ରକ୍ ଗ୍ରାହକଙ୍କର ସ୍ବତନ୍ତ୍ର ଆବଶ୍ୟକତାକୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି। ଏପରିକି ଏହାକୁ କମର୍ସିଆଲ ଭେଇକିଲ ସେଗ୍ମେଣ୍ଟରେ ସମସ୍ତ ଗ୍ରାହକ ପସନ୍ଦ କରିଛନ୍ତି। ଅପରପକ୍ଷରେ ସୁପର କ୍ୟାରିର ପେଟ୍ରୋଲ ମଡେଲର ଏକ୍ସ-ଶୋ ରୁମ୍ ମୂଲ୍ୟ ୬,୧୫,୬୨୮ଟଙ୍କା ରହିଥିବା ବେଳେ ସିଏନ୍ଜି ମଡେଲର ଏକ୍ସ-ଶୋ ରୁମ୍ ମୂଲ୍ୟ ୫,୩୦,୬୨୮ ଟଙ୍କା ରହିଛି ା