ଇସଲାମାବାଦ,୨୭ ।୩: ପାକିସ୍ତାନରେ ଏବେବି ରାଜନୈତିକ ସଙ୍କଟ ଲାଗି ରହିଛି । ପାକିସ୍ତାନର ଶାସକ ସରକାର ଓ ପିଟିଆଇ ମୁଖ୍ୟ ଇମ୍ରାନ ଖାଁଙ୍କ ମଧ୍ୟରେ ଗତ କିଛି ମାସ ହେବ ତୁତୁମେମେ ଲାଗି ରହିଛି । ଇତି ମଧ୍ୟରେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ଶରିଫଙ୍କ ଝିଅ ତଥା ପାକିସ୍ତାନ ମୁସଲିମ ଲିଗ-ନୱାଜ(ପିଏମଏଲ-ଏନ)ର ବରିଷ୍ଠ ଉପାଧ୍ୟକ୍ଷ ମରିୟମ ନୱାଜ ଶରିଫ ନିଜ ଦେଶର ସୁପ୍ରିମକୋର୍ଟ ଉପରେ ପ୍ରଶ୍ନ ଉଠାଇଛନ୍ତି ।
ମରିୟମ ନୱାଜ ଶରିଫ ସୁପ୍ରିମ କୋର୍ଟଙ୍କୁ ପ୍ରଶ୍ନ କରିଛନ୍ତି, ସମ୍ବିଧାନକୁ ରଦ୍ଧ କରିବାରେ ସାମିଲ ଥିବା ପରେ ବି ଇମ୍ରାନ ଖାଁଙ୍କୁ ସୁପ୍ରିମକୋର୍ଟ କାହିଁକି ସଜା ଦେଲେ ନାହିଁ । ସେ ରବିବାର ଲାହୋରରେ ପାର୍ଟିର ଓକିଲଙ୍କ ସହ ବିଶେଷ କଥାବାର୍ତ୍ତା କରିବା ସମୟରେ ଏହି ପ୍ରସଙ୍ଗ ଉଠାଇଛନ୍ତି ।
ମରିୟମ ନୱାଜ କହିଛନ୍ତି, ଇମ୍ରାନ ଖାଁ ବିରୋଧ ପ୍ରଦର୍ଶନ କରିବା ସମୟରେ ବାରମ୍ବାର କୋର୍ଟ ଉପରେ ଆକ୍ରମଣ କରିବା ପରେ ବି କୌଣସି ମହତ୍ୱପୂର୍ଣ୍ଣ ଆଇନର ପରିଣାମର ସାମ୍ନା କରି ନାହାନ୍ତି । ଯେତେବେଳେ କି ପିଏମଏଲଏନ-ଏନ ସୁପ୍ରିମୋ ନୱାବାଜ ଶରିଫଙ୍କୁ ପନାମା ପେପର ଲିକ ଭଳି ଫର୍ଜି ମାମଲାରେ ଦୋଷୀ ସାବ୍ୟସ୍ତ କରାଯାଇଛି । ସେ କହିଛନ୍ତି ଇମ୍ରାନଙ୍କୁ ପସନ୍ଦର ବ୍ୟକ୍ତି ଧରି ନେଇଥିବା ବେଳେ ଅନ୍ୟମାନଙ୍କୁ ଭୁଲ ବ୍ୟବହାର କରାଯାଉଥିଲା ।