ପୁରୀ ଅଫିସ,୨ା୧୦: ମହାମାରୀ କରୋନା କବଳରୁ ରକ୍ଷା ପାଇବା ପାଇଁ ସାମାଜିକ ଦୂରତା ଏବଂ ମାସ୍କ ପିନ୍ଧିବା ଉପରେ ଅଧିକ ଗୁରୁତ୍ୱ ଦିଆଯାଉଛି। ବିଶେଷକରି ମାସ୍କ ନ ପିନ୍ଧି ପଦାକୁ ବାହାରିଲେ ପୋଲିସ ପକ୍ଷରୁ ଜରିମାନା ଆଦାୟ କରାଯାଉଛି। ଭଲ ଭାବେ ମାସ୍କ ପିନ୍ଧିଥିଲେ ସଂକ୍ରମଣଠାରୁ ଦୂରେଇ ରହିହେବ ବୋଲି ଲୋକଙ୍କୁ ସଚେତନ କରାଯାଉଛି। ତେବେ କେବଳ କପଡ଼ାରେ ନୁହେଁ, ଅନେକ ଲୋକ ଭିନ୍ନ ଧରଣର ମାସ୍କ ପିନ୍ଧୁଛନ୍ତି। କଟକର ଜଣେ ବ୍ୟବସାୟୀ ସୁନାରେ ମାସ୍କ ତିଆରି କରି ପିନ୍ଧିଥିବାବେଳେ ସୁରଟର ଜଣେ ହୀରା ବ୍ୟବସାୟୀଙ୍କ ପାଖକୁ ହୀରା ଖଚିତ ମାସ୍କ ପାଇଁ ବରାଦ ଆସିଥିଲା। ସେ ମଧ୍ୟ ହୀରା ଖଚିତ ମାସ୍କ ତିଆରି କରିଥିଲେ। ହେଲେ ଏବେ ପୁରୀ ସହରରେ ନଡ଼ିଆ ଷଡ଼େଇରେ ତିଆରି ମାସ୍କକୁ ନେଇ ବେଶ୍ ଚର୍ଚ୍ଚା। ମହାପ୍ରଭୁଙ୍କ ସେବକ ହଜୁରୀ ଭୀମସେନ ଖୁଣ୍ଟିଆ ଏମିତି ଏକ ନିଆରା ମାସ୍କ ପରିଧାନ କରୁଛନ୍ତି।
ଏ ସମ୍ପର୍କରେ ଭୀମସେନ କହିଛନ୍ତି, ତାଙ୍କୁ ଜଣେ ବ୍ୟକ୍ତି ଏହାକୁ ତିଆରି କରି ଉପହାର ଦେଇଛନ୍ତି। ନଡ଼ିଆ ଷଡ଼େଇକୁ ଅତି ସୂକ୍ଷ୍ମ ଭାବେ ଘଷି ପ୍ଲେନ କରାଯାଇଛି। ଭିତରେ ଦୁଇପରସ୍ତ କନା ରହିଛି। ନିଃଶ୍ୱାସ ପ୍ରଶ୍ୱାସରେ କୌଣସି ଅସୁବିଧା ହେଉନାହିଁ। କିଏ ସୁନା ତ ଆଉ କିଏ ହୀରା ଖଚିତ ମାସ୍କ ପିନ୍ଧୁଥିବା ଆମେ ଶୁଣିଛୁ। ମାତ୍ର ଏହା ସମ୍ପୂର୍ଣ୍ଣ ଦେଶୀ କାରିଗରି କୌଶଳରେ ତିଆରି କରାଯାଇଛି। ନଡ଼ିଆକୁ ଆମେ ଶ୍ରୀଫଳ ବୋଲି କହିଥାଉ। ଏଥିରେ ତିଆରି ମାସ୍କ ପିନ୍ଧିବାକୁ ଭଲ ଲାଗୁଛି ବୋଲି ଭୀମସେନ କହିଛନ୍ତି
ମହାମାରୀ କରୋନା କବଳରୁ ରକ୍ଷା ପାଇବା ପାଇଁ ସାମାଜିକ ଦୂରତା ଏବଂ ମାସ୍କ ପିନ୍ଧିବା ଉପରେ ଅଧିକ ଗୁରୁତ୍ୱ ଦିଆଯାଉଛି। ବିଶେଷକରି ମାସ୍କ ନ ପିନ୍ଧି ପଦାକୁ ବାହାରିଲେ ପୋଲିସ ପକ୍ଷରୁ ଜରିମାନା ଆଦାୟ କରାଯାଉଛି। ଭଲ ଭାବେ ମାସ୍କ ପିନ୍ଧିଥିଲେ ସଂକ୍ରମଣଠାରୁ ଦୂରେଇ ରହିହେବ ବୋଲି ଲୋକଙ୍କୁ ସଚେତନ କରାଯାଉଛି। ତେବେ କେବଳ କପଡ଼ାରେ ନୁହେଁ, ଅନେକ ଲୋକ ଭିନ୍ନ ଧରଣର ମାସ୍କ ପିନ୍ଧୁଛନ୍ତି। କଟକର ଜଣେ ବ୍ୟବସାୟୀ ସୁନାରେ ମାସ୍କ ତିଆରି କରି ପିନ୍ଧିଥିବାବେଳେ ସୁରଟର ଜଣେ ହୀରା ବ୍ୟବସାୟୀଙ୍କ ପାଖକୁ ହୀରା ଖଚିତ ମାସ୍କ ପାଇଁ ବରାଦ ଆସିଥିଲା। ସେ ମଧ୍ୟ ହୀରା ଖଚିତ ମାସ୍କ ତିଆରି କରିଥିଲେ। ହେଲେ ଏବେ ପୁରୀ ସହରରେ ନଡ଼ିଆ ଷଡ଼େଇରେ ତିଆରି ମାସ୍କକୁ ନେଇ ବେଶ୍ ଚର୍ଚ୍ଚା। ମହାପ୍ରଭୁଙ୍କ ସେବକ ହଜୁରୀ ଭୀମସେନ ଖୁଣ୍ଟିଆ ଏମିତି ଏକ ନିଆରା ମାସ୍କ ପରିଧାନ କରୁଛନ୍ତି।
ଏ ସମ୍ପର୍କରେ ଭୀମସେନ କହିଛନ୍ତି, ତାଙ୍କୁ ଜଣେ ବ୍ୟକ୍ତି ଏହାକୁ ତିଆରି କରି ଉପହାର ଦେଇଛନ୍ତି। ନଡ଼ିଆ ଷଡ଼େଇକୁ ଅତି ସୂକ୍ଷ୍ମ ଭାବେ ଘଷି ପ୍ଲେନ କରାଯାଇଛି। ଭିତରେ ଦୁଇପରସ୍ତ କନା ରହିଛି। ନିଃଶ୍ୱାସ ପ୍ରଶ୍ୱାସରେ କୌଣସି ଅସୁବିଧା ହେଉନାହିଁ। କିଏ ସୁନା ତ ଆଉ କିଏ ହୀରା ଖଚିତ ମାସ୍କ ପିନ୍ଧୁଥିବା ଆମେ ଶୁଣିଛୁ। ମାତ୍ର ଏହା ସମ୍ପୂର୍ଣ୍ଣ ଦେଶୀ କାରିଗରି କୌଶଳରେ ତିଆରି କରାଯାଇଛି। ନଡ଼ିଆକୁ ଆମେ ଶ୍ରୀଫଳ ବୋଲି କହିଥାଉ। ଏଥିରେ ତିଆରି ମାସ୍କ ପିନ୍ଧିବାକୁ ଭଲ ଲାଗୁଛି ବୋଲି ଭୀମସେନ କହିଛନ୍ତି।