ଦାମାସକସ,୧୭।୪ : ଇସଲାମିକ ଷ୍ଟେଟ (ଆଇଏସ) ଆତଙ୍କବାଦୀମାନେ ଋତୁକାଳୀନ ପନିପରିବା ଖୋଜୁଥିବାବେଳେ ହମା ଅଞ୍ଚଳରେ ୩୧ ଜଣଙ୍କୁ ହତ୍ୟା କରିଛନ୍ତି। ଅନ୍ୟ ଏକ ଘଟଣାରେ ସିରିଆର ମାନବିକ ଅଧିକାର ଅନୁଯାୟୀ ଚାରିଜଣ ମେଷପାଳକଙ୍କୁ ହତ୍ୟା କରାଯାଇଛି। ଅନ୍ୟ ଦୁଇଜଣଙ୍କୁ ଆଇଏସ ଜିହାଦୀମାନେ ଅପହରଣ କରି ନେଇଛନ୍ତି।
ମୃତକଙ୍କ ମଧ୍ୟରେ ୧୨ ଜଣ ସରକାରୀ ଯବାନ ଅଛନ୍ତି। ଏହି ଲୋକମାନେ ହାମା (କେନ୍ଦ୍ରୀୟ ସହର)ର ପୂର୍ବ ମରୁଭୂମିରେ ଋତୁକାଳୀନ ପନିପରିବା ସଂଗ୍ରହ କରୁଥିଲେ। ପୂର୍ବରୁ ଏହି ସଂଖ୍ୟାକୁ ୨୬ ବୋଲି କୁହାଯାଉଥିଲା।
ଉଲ୍ଲେଖନୀୟ କଥା ହେଉଛି, ଗତ କିଛି ବର୍ଷ ଧରି ସିରିଆରେ ଚାଲିଥିବା ଗୃହଯୁଦ୍ଧ ଯୋଗୁଁ ଲୋକମାନେ ଆର୍ଥିକ ସଙ୍କଟ ସହ ସଂଘର୍ଷ କରୁଛନ୍ତି। ଏଭଳି ପରିସ୍ଥିତିରେ ଲୋକଙ୍କୁ ଋତୁକାଳୀନ ପନିପରିବା ରୋଜଗାର କରିବାରେ ସାହାଯ୍ୟ କରୁଛି। ଏହି ଋତୁତୁକାଳୀନ ପନିପରିବାର ମୂଲ୍ୟ ବହୁତ ଅଧିକ। ଅନ୍ୟପକ୍ଷରେ, ପୃଥିବୀର ମଧ୍ୟ ପୂର୍ବରେ ଅବସ୍ଥିତ ସିରିଆରେ ଇସଲାମିକ ଷ୍ଟେଟ ଗୋଷ୍ଠୀର ଆତଙ୍କବାଦୀମାନେ ଆଜିକାଲି ମରୁଭୂମିରେ ଏଭଳି ଋତୁକାଳୀନ ପନିପରିବା ସଂଗ୍ରହ କରୁଥିବା କୃଷକମାନଙ୍କୁ ଟାର୍ଗେଟ କରୁଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ନିକଟରେ ଆଇଏସ ଆତଙ୍କବାଦୀମାନେ ୧୫ ଜଣ ଚାଷୀଙ୍କୁ ଗଳା କାଟି ହତ୍ୟା କରିଥିଲେ।
ସିରିଆର ମାନବ ଅଧିକାର ସଂସ୍ଥରା ଅନୁଯାୟୀ ଫେବୃଆରୀରୁ ଅତିକମରେ ୧୫୦ ଋତୁକାଳୀନ ପନିପରିବା ସଂଗ୍ରହ କରୁଥିବା ଚାଷୀ ନିଖୋଜ ଅଛନ୍ତି। ଅନେକ କୃଷକ ଋତୁକାଳୀନ ପନିପରିବା ସଂଗ୍ରହ କରୁଥିବାବେଳେ ଆଇଏସ ଆତଙ୍କବାଦୀଙ୍କ ଗୁଳିର ଶିକାର ହୋଇଥିବା କୁହାଯାଉଛି।