ଅହମ୍ମଦାବାଦ,୪।୧୧: ଗୁଜୁରାଟ ଦାମନ ଡାବେଲ ଅଞ୍ଚଳରେ ଥିବା ଗଣେଶ ପ୍ୟାକେଜିଂ ନାମକ ଏକ କମ୍ପାନୀରେ ବଡ଼ ଧରଣର ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ବ୍ୟାପକ କ୍ଷୟକ୍ଷତି ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଛି। ଖବରପାଇ ଦମକଳ ବାହିନୀର ଆଠଟି ଗାଡି ଘଟଣାସ୍ଥଳରେ ପହଞ୍ଚି ନିଆଁ ଲିଭା କାର୍ଯ୍ୟ ଜାରି ରଖିଛନ୍ତି। ଅଗ୍ନିକାଣ୍ଡରେ କେହି ମୃତାହତ ହୋଇନଥିବା ବର୍ତ୍ତମାନ ସୂଚନା ମିଳିଛି। ଅନ୍ୟପକ୍ଷେ ନିଆଁ ଲାଗିବାର କାରଣ ସ୍ପଷ୍ଟ ହୋଇନାହିଁ।