ନୂଆଦିଲ୍ଲୀ,୪।୧: ଆରମ୍ଭ ହୋଇଛି କୁକିଂ ରିଆଲିଟି ଶୋ’ ମାଷ୍ଟରସେଫ ଇଣ୍ଡିଆ। ଚଳିତ ଥର ଏଥିରେ ବିଚାରପତି ଭାବେ ସେଫ୍ ବିକାଶ ଖାନ୍ନା, ସେଫ୍ ରଣବୀର ବ୍ରା, ସେଫ୍ ଗାରିମା ଅରୋରାଙ୍କୁ ଦେଖିବାକୁ ମିଳୁଛି। ତେବେ ଆସନ୍ତୁ ଜାଣିବା ଏହି ସେଫ୍ମାନଙ୍କ ମୋଟ ସମ୍ପତ୍ତି ଏବଂ ତାଙ୍କ ସହ ଜଡ଼ିତ ଅନ୍ୟାନ୍ୟ ସୂଚନା:-
ସେଫ୍ ବିକାଶ ଖାନ୍ନା:
ରିପୋର୍ଟ ଅନୁଯାୟୀ ବିକାଶ ୮୦ କୋଟିରୁ ୧୨୦ କୋଟି ସମ୍ପତ୍ତିର ମାଲିକ। ସେ ଜଣେ ଖ୍ୟାତନାମା ସେଫ୍ ହୋଇଥିବା ବେଳେ ଅନେକ ପୁସ୍ତକ ରଚନା କରିଛନ୍ତି। ହୋଟେଲ, ପୁସ୍ତକ ଏବଂ ବିଭିନ୍ନ ଶୋ’ରୁ ସେ ଆୟ କରିଥାନ୍ତି।
ସେଫ୍ ରଣବୀର ବ୍ରା:-
ରିପୋର୍ଟ ମୁତାବକ ରଣବୀର ୪୦ କୋଟିରୁ ଅଧିକ ସମ୍ପତ୍ତିର ମାଲିକ। ସେ ଜଣେ ସେଫ୍ ହେବା ସାଙ୍ଗକୁ ଜଣେ ଫୁଡ୍ କଲମିଷ୍ଟ ଏବଂ ଲେଖକ ମଧ୍ୟ। ଏହାପୂର୍ବରୁ ସେ ମାଷ୍ଟରସେଫ୍ର ଦୁଇଟି ସିଜନ୍(୪,୬)ରେ ବିଚାରପତି ହୋଇଥିଲେ। ଏଣୁ ଏହା ତାଙ୍କର ତୃତୀୟ ସିଜନ।
ସେଫ୍ ଗାରିମା ଅରୋରା:
ରିପୋର୍ଟ ମୁତାବକ ଗରିମାଙ୍କ ମୋଟ ସମ୍ପତ୍ତି ୪୦ କୋଟି ଟଙ୍କା। ସେ ମିଶେଲିନ୍ ଷ୍ଟାର ପାଇଥିବା ପ୍ରଥମ ମହିଳା ସେଫ୍। ତେବେ ମିଶେଲିନ ଷ୍ଟାର ହେଉଛି ବିଶ୍ୱସ୍ତରର ରେଷ୍ଟୁରାଣ୍ଟ ରେଟିଂ ପ୍ରଣାଳୀ।
ମାଷ୍ଟରସେଫ୍ରେ କିଭଳି ହେବ ବିଜେତା ଚୟନ:
ଶୋ’ ଅଡିଶନ ରାଉଣ୍ଡ ସହ ଆରମ୍ଭ ହୋଇଛି। ଏଥିରୁ ୩୬ ଜଣ ସେଫ୍ ଚୟନ କରାଯିବ। ସେମାନଙ୍କ ମଧ୍ୟରୁ ଶ୍ରେଷ୍ଠ ୧୬ ଆଗକୁ ବଢ଼ିବେ। ସେମାନଙ୍କୁ ମାଷ୍ଟରସେଫ୍ ଆପ୍ରନ ଦିଆଯିବ। ପ୍ରତିଯୋଗୀମାନଙ୍କ ମଧ୍ୟରୁ ଜଣେ ବିଜେତା ହେବେ।