ଦୁବାଇ, ୧୧ା୮ (ପି.ଟି.)-ମାଞ୍ଚେଷ୍ଟରରେ ପ୍ରଥମ ଟେଷ୍ଟ ମ୍ୟାଚ ବେଳେ ପାକିସ୍ତାନ ସ୍ପିନର ୟାସିର ଶାହାଙ୍କ ଆଉଟ ପରେ ଆପତ୍ତିଜନକ ଭାଷା ବ୍ୟବହାର କରିଥିବାରୁ ଇଂଲଣ୍ଡ ଫାଷ୍ଟ ବୋଲର ଷ୍ଟୁଆର୍ଟ ବ୍ରଡ୍ ଦଣ୍ଡିତ ହୋଇଛନ୍ତି। ମ୍ୟାଚ୍ ରେଫରି କ୍ରିସ୍ ବ୍ରଡ୍ ଯିଏକି ତାଙ୍କ ପିତା ତାଙ୍କୁ ମ୍ୟାଚ ଫି’ର ୧୫ ପ୍ରତିଶତ ଜରିମାନା କରିଛନ୍ତି। ଶନିବାର ପାକିସ୍ତାନ ଦ୍ୱିତୀୟ ଇନିଂସର ୪୬ ତମ ଓଭରରେ ଏହି ଘଟଣା ଘଟିଥିଲା। ୟାସିର ଶାହାଙ୍କ ଆଉଟ ପରେ ବ୍ରଡ୍ ଆକ୍ରମଣାତ୍ମକ ଭଙ୍ଗୀରେ ପାକିସ୍ତାନ ଖେଳାଳିଙ୍କ ଉଦ୍ଦେଶ୍ୟରେ ଅନୁଚିତ ଭାଷାରେ ଟିପ୍ପଣୀ କରିଥିଲେ। ଏହାଦ୍ୱାରା ସେ ଆଇସିସି ଆଚରଣ ବିଧିର ଧାରା ୨.୫ ଉଲ୍ଲଂଘନ କରିଥିଲେ। ଏହି ଅପରାଧ ଯୋଗୁ ବ୍ରଡ୍ଙ୍କ ଶୃଙ୍ଖଳା ରେକର୍ଡରେ ଏକ ଡିମେରିଟ୍ ପଏଣ୍ଟ ଯୋଗ କରାଯାଇ ୩ରେ ପହଞ୍ଚତ୍ଛି। ୨୪ ମାସ ମଧ୍ୟରେ ବ୍ରଡ୍ ଏଭଳି ନିୟମ ଉଲ୍ଲଂଘନ କରିଛନ୍ତି। ପୂର୍ବରୁ ସେ ଚଳିତବର୍ଷ ଜାନୁୟାରୀ ୨୭ରେ ଓ୍ବାଣ୍ଡରର୍ସଠାରେ ଦକ୍ଷିଣ ଆଫ୍ରିକା ବିପକ୍ଷ ଚତୁର୍ଥ ଟେଷ୍ଟ ଏବଂ ୨୦୧୮ ଅଗଷ୍ଟ ୧୯ରେ ଟ୍ରେଣ୍ଟବ୍ରିଜ୍ଠାରେ ଭାରତ ବିପକ୍ଷ ତୃତୀୟ ଟେଷ୍ଟରେ ଏଭଳି ଅପରାଧ କରିଥିଲେ। ବ୍ରଡ୍ ନିଜର ଦୋଷ ସ୍ବୀକାର କରିବା ସହ ଦଣ୍ଡକୁ ଗ୍ରହଣ କରିଛନ୍ତି। ତେଣୁ ଶୁଣାଣିର ଆବଶ୍ୟକ ପଡ଼ି ନ ଥିଲା।