ଭୁବନେଶ୍ୱର,୨୭ା୭(ବ୍ୟୁରୋ): ମାଟ୍ରିକ ପରୀକ୍ଷା ଫଳକୁ ନେଇ ନାନା ଆଶା ଆଶଙ୍କା ଦେଖା ଦେଇଥିଲା। ତେବେ ଦୀର୍ଘଦିନ ପ୍ରତୀକ୍ଷାର ଅନ୍ତ ଘଟିଛି। ଚଳିତମାସ ୨୯ ତାରିଖରେ ମାଟ୍ରିକ ପରୀକ୍ଷା ଫଳ ପ୍ରକାଶ ପାଇବ। ଏନେଇ ସୋମବାର ପ୍ରେସ୍ମିଟ୍ରେ ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ। ବୋର୍ଡର ୨ଟି ଓ୍ବେବ୍ସାଇଟ୍ ଏବଂ ଏସ୍ଏମସ୍ ଜରିଆରେ ଛାତ୍ରୀଛାତ୍ର ଏହି ପରୀକ୍ଷା ଫଳ ଜାଣିପାରିବେ। ଓ୍ବେସାଇଟ୍ http://www.bseodisha.nic.in/ ଏବଂ www.bseodisha.ac.nicରେ ମାଟ୍ରିକ ଫଳାଫଳ ଉପଲବ୍ଧ ହେବ। ଏହାସହ ମୋବାଇଲରୁ ୫୬୭୬୭୫୦ରେ ଏସ୍ଏମ୍ଏସ୍ କଲେ ମଧ୍ୟ ଛାତ୍ରୀଛାତ୍ର ନିଜ ଫଳାଫଳ ଜାଣିପାରିବେ।
ସୂଚନାଯୋଗ୍ୟ, ଚଳିତବର୍ଷ ମାଟ୍ରିକ ପରୀକ୍ଷା ଫେବୃଆରୀ ୧୯ରୁ ଆରମ୍ଭ ହୋଇ ମାର୍ଚ୍ଚ ୨ରେ ଶେଷ ହୋଇଥିଲା। ଏ ବର୍ଷ ୨ ହଜାର ୮ ଶହ ୮୮ଟି ପରୀକ୍ଷା କେନ୍ଦ୍ରରେ ପ୍ରାୟ ୫ ଲକ୍ଷ ୬୦ ହଜାର ଛାତ୍ରୀଛାତ୍ର ପରୀକ୍ଷା ଦେଇଛନ୍ତି ।