ଦିଗପହଣ୍ଡି,୭।୫(ଡି.ଏନ୍.ଏ.): ଚଳିତ ବର୍ଷର ମାଟ୍ରିକ୍ ପରୀକ୍ଷା ଶନିବାର ଶେଷ ହୋଇଛି। ସାଧାରଣତଃ ପରୀକ୍ଷା ସରିବା ପରେ ଭବିଷ୍ୟତକୁ ନେଇ ପିଲାମାନେ ଚିନ୍ତିତ ହୋଇପଡ଼ିବା ନଚେତ ସ୍କୁଲ ପଢ଼ା ଶେଷ ହେବା ନେଇ ଦୁଃଖରେ ଥିବା ଦେଖାଯାଏ। ହେଲେ ଏବର୍ଷ ଏହାର ବିପରୀତ ଦେଖିବାକୁ ମିଳିଛି। ଗଞ୍ଜାମ ଦିଗପହଣ୍ଡି ବ୍ଲକ ବୋମକାଇ ଗ୍ରାମଗ୍ରାମରେ ଥିବା ଶିବାନନ୍ଦ ହାଇସ୍କୁଲର ଛାତ୍ରମାନେ ପରୀକ୍ଷା ଦେଇ ବାହାରିବା ପରେ ଡିଜେ ବଜାଇ ନାଚଗୀତରେ ମସଗୁଲ ହୋଇଛନ୍ତି। ସେହିଭଳି କିଛି ଛାତ୍ର ଗୋପାଳପୁର ସମୁଦ୍ରରେ ଗାଧୋଉଥିବା ନଜର ଆସିଛି। ଏହାର ଅନେକ ଭିଡିଓ ଏବେ ଭାଇରାଲ ହେଉଛି। ଏହାପରେ ଅନେକ ବୁଦ୍ଧିଜୀବୀ ଉଦ୍ବେଗ ପ୍ରକାଶ କରିବା ସହ ତାଙ୍କର ଶିକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।