ଅନୁଗୋଳ ଅଫିସ,୨୯।୭: ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଚଳିତ ବର୍ଷ ମାଟ୍ରିକ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। ତେବେ ଅନୁଗୋଳ ଜିଲାରେ ମୋଟ ୭୫.୨୩% ଛାତ୍ରୀଛାତ୍ର ପାସ୍ କରିଥିବା ଜିଲା ଶିକ୍ଷା ଅଧିକାରୀ କାର୍ଯ୍ୟାଳୟରୁ ସୂଚନା ପ୍ରଦାନ କରାଯାଇଛି। ଜିଲାରେ ମୋଟ ୨୬୨ଟି ବିଦ୍ୟାଳୟରୁ ୧୬,୩୩୨ ଜଣ ଛାତ୍ରୀଛାତ୍ର ୮୫ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ମୋଟ ୧୨,୧୨୨ ଜଣ କୃତକାର୍ଯ୍ୟ ହୋଇଛନ୍ତି। ସେଥିରୁ ୫,୮୫୯ ଜଣ ଛାତ୍ରୀ ଓ ୬,୨୬୩ ଜଣ ଛାତ୍ର ଅଛନ୍ତି । ସେଥିରୁ ୪୨ ଜଣ ଏ-୧ ଗ୍ରେଡ୍ରେ ପାସ କରିଥିବାବେଳେ ୨୯୯ ଜଣ ଏ-୨ , ୬୬୨ ଜଣ ବି-୧ , ୧୦୩୯ ଜଣ ବି-୨, ୧୫୧୫ ଜଣ ସି, ୨୪୧୯ ଜଣ ଡି, ୬୧୪୬ ଜଣ ଇ ଓ ୩୯୮୧ ଜଣ ଏଫ୍ ଗ୍ରେଡ ରଖିଥିବା ଜିଲା ଶିକ୍ଷା ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି ।
