କେନ୍ଦ୍ରାପଡା ଅଫିସ, ୨୯ା୭-ଓଡିଶା ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। କେନ୍ଦ୍ରାପଡା ଜିଲାରେ ଚଳିତ ବର୍ଷ ପାସ ହାର ୮୦.୧୯ % ପ୍ରତିଶତ ରହିଛି। ତେବେ ଏଥର ଛାତ୍ରଙ୍କୁ ପଛରେ ପକାଇ ଛାତ୍ରୀ ବାଜି ମାରି ନେଇଛନ୍ତି। ପାସ କରିଥିବା ମୋଟ ୧୫୩୨୬ ଜଣ ଛାତ୍ରୀଛାତ୍ରଙ୍କ ମଧ୍ୟରୁ ଛାତ୍ରୀଙ୍କ ସଂଖ୍ୟା ୮୧୫୩ ରହିଛି। ଡେରାବିଶ ବ୍ଲକ ବଡଗଁସ୍ଥିତ ରାଧାମୋହନଜୀଉ ଟେକ୍ନିକାଲର ଛାତ୍ରୀ ଅଲିଭା ଭୂୟଁା ଜିଲା ଟପ୍ପର ହୋଇଛନ୍ତି। ସେ ୬୦୦ ମାର୍କରୁ ୫୭୦ ନମ୍ବର ରଖିଛନ୍ତି। ଚଳିତ ବର୍ଷ ଜିଲାରେ ମୋଟ ୧୯୩୯୦ ଜଣ ଶିକ୍ଷାର୍ଥୀ ଫର୍ମଫିଲପ କରିଥିଲେ। ଏଥିମଧ୍ୟରୁ ଜିଲାର ୩୪୭ ଉଚ୍ଚ ବିଦ୍ୟାଳୟର ୧୯୧୧୧ ଶିକ୍ଷାର୍ଥୀ ୧୦୩ଟି ସେଣ୍ଟରରେ ପରୀକ୍ଷା ଦେଇଥିବା ବେଳେ ପରୀକ୍ଷାରେ ୨୦ ଛାତ୍ରୀଛାତ୍ର ମାଲପ୍ରାକ୍ଟିସରେ ଧରା ପଡିଥିଲେ। ଏହି ପରୀକ୍ଷାର୍ଥୀଙ୍କ ମଧ୍ୟରୁ ଏ୧ ଗ୍ରେଡରେ ୪୮ ଜଣ, ଏ୨ ଗ୍ରେଡରେ ୩୨୮, ବି୧ ଗ୍ରେଡରେ ୭୪୦, ବି୨ ଗ୍ରେଡରେ ୧୩୮୯, ସି ଗ୍ରେଡରେ ୨୦୯୬, ଡି ଗ୍ରେଡରେ ୩୪୫୪ ଓ ଇ ଗ୍ରେଡରେ ୭୨୭୧ ଜଣ ଛାତୀଛାତ୍ର ଉତ୍ତୀର୍ଣ୍ଣ ହୋଇଛନ୍ତି। ଏଫ ଗେଡରେ ୩୭୬୫ ଜଣ ଛାତ୍ରୀଛାତ୍ର ଅଛନ୍ତି।
