ସାଧାରଣତଃ କମ୍ପାନୀଗୁଡିକ ସେମାନଙ୍କର ଉତ୍ପାଦ ବିକ୍ରୟ କରିବା ତଥା ସମ୍ପର୍କ ପାଇଁ ସୋସିଆଲ ମିଡିଆରେ ବିଜ୍ଞାପନ ଦେଇଥାନ୍ତି। କିନ୍ତୁ ଏକ ପରିବାର ପୁଅ ପାଇଁ କନ୍ୟା ଦରକାର ବୋଲି ବିଜ୍ଞାପନ ଦେଇଥିଲେ। ଯାହା ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଏହି ପରିବାର ଏକ ଅଜବ ସର୍ତ୍ତ ରଖିଛନ୍ତି। ଏହି ବିଜ୍ଞାପନରେ ଲେଖାଯାଇଛି, ଆମର ଯିଏ ଭାବି ବୋହୂ ହେବ ସେ ସୋସିଆଲ ମିଡିଆରେ ଅଭ୍ୟସ୍ତ ନ ଥିବ।
ସାଧାରଣତଃ ଯେତେବେଳେ ଏକ ବିବାହ ସମ୍ବନ୍ଧୀୟ ବିଜ୍ଞାପନ ଦିଆଯାଏ ସେଥିରେ ଲେଖାଥାଏ କନ୍ୟାର ଜାତି, ଗୋତ୍ର, ପାଠପଢ଼ା, ଉଚ୍ଚତା, ରଙ୍ଗ ଇତ୍ୟାଦି। ମାତ୍ର ଏମିତି ଏକ ବିଜ୍ଞାପନ ଦିଆଯାଇଛି, ଏଥିରେ ଅଜବ ସର୍ତ୍ତ ରହିଛି।
ନିତିନ୍ ସାଙ୍ଗଓ୍ବାନ ନାମକ ଜଣେ ଆଇଏଏସ ଅଧିକାରୀ ତାଙ୍କ ଟୁଇଟରରେ ଏକ ଖବରକାଗଜରେ ଛପା ଯାଇଥିବା ବବାହ ସମ୍ବନ୍ଧୀୟ ଏକ ବିଜ୍ଞାପନର ଫଟୋ ପୋଷ୍ଟ କରିଛନ୍ତି। ବିଜ୍ଞାପନରେ ଲେଖାଯାଇଛି ଯେ‘ କନ୍ୟାଟି ସୁନ୍ଦର, ଲମ୍ବା, ପତଳା ହେଉ କି ଯାହା ହେଉ ଏଥିରେ କିଛି ଯାଏ ଆସେ ନାହିଁ, କେବଳ ସୋସିଆଲ ମିଡିଆରେ ତାଙ୍କର ନିଶା ନ ଥାଉ।
ଏହି ବିଜ୍ଞାପନଟି ଶେୟାର କରି ଅଧିକାରୀ ଜଣକ ତାଙ୍କ କ୍ୟାପ୍ଶନରେ ଲେଖିଛନ୍ତି, ଆଶା କରୁଥିବା କନ୍ୟାମାନେ ଧ୍ୟାନ ଦେବା ଉଚିତ୍। ବିବାହ ନିୟମ ବଦଳୁଛି।
ଏହି ବିଜ୍ଞାପନ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି। ଲୋକମାନେ ମଧ୍ୟ ଏହା ଉପରେ ଭିନ୍ନ ଭିନ୍ନ ମନ୍ତବ୍ୟ ଦେଉଛନ୍ତି।
