ପ୍ୟାରିସ, ୩ା୭: ଟୁର୍ ଡି’ ଫ୍ରାନ୍ସର ସାଇକେଲ ରେସ୍ର ୭ମ ଷ୍ଟେଜ୍ ଶୁକ୍ରବାର ଅନୁଷ୍ଠିତ ହୋଇଯାଇଛି। ଭିର୍ଜନଠାରୁ ଲି’ କ୍ରେସଟ ୨୪୯.୧ କିଲୋମିଟର ଦୂରତା ବିଶିଷ୍ଟ ଏହି ରେସ୍ରେ ବାହାରିନ୍ ଭିକ୍ଟୋରିୟସ ଟିମ୍ର ମାଟେଜ ମୋହୋରିକ୍ ୫ ଘଣ୍ଟା ୨୮ ମିନିଟ ଓ ୨୦ ସେକେଣ୍ଡ ଟାଇମିଂରେ ଜିତିଛନ୍ତି। ସ୍ଲୋଭେନିଆର ଏହି ରାଇଡର ଜାସ୍ପର ଷ୍ଟୁଇଭେନ୍ଙ୍କଠାରୁ ୧ ମିନିଟ୍ ୨୦ ସେକେଣ୍ଡ ଆଗରେ ରହି ପ୍ରଥମ ସ୍ଥାନ ଅଧିକାର କରିଥିଲେ। ଟୁର ଡି’ ଫ୍ରାନ୍ସରେ ଏହା ହେଉଛି ତାଙ୍କର ପ୍ରଥମ ବିଜୟ। ଓଭରଅଲ୍ ଲିଡର ମାଥ୍ୟୁ ଭାନ୍ ଡର୍ ପୋଏଲ ୧ ମିନିଟ ୪୦ ସେକେଣ୍ଡ ପଛରେ ଚତୁର୍ଥ ହୋଇଥିଲେ ହେଁ ଓଭରଅଲ ଲିଡର ଭାବେ ୟଲୋ ଜର୍ସି ବଜାୟ ରଖିପାରିଛନ୍ତି। ଏଥିସହିତ ସେ ଗତଥରର ଚାମ୍ପିୟନ ଟାଡେଜ୍ ପୋଗାକାରଙ୍କଠାରୁ ଅଗ୍ରଣୀ ବ୍ୟବଧାନ ବୃଦ୍ଧି କରିପାରିଛନ୍ତି। ତୃତୀୟ ସ୍ଥାନ ଅଧିକାର କରିଥିଲେ ମାଗ୍ନସ କୋର୍ଟ। ୫ମରୁ ୧୦ମ ସ୍ଥାନ ଯଥାକ୍ରମେ କାସ୍ପର ଆସ୍ଗ୍ରୀନ, ଫ୍ରାଙ୍କ୍ ବୋନାମୋର, ପ୍ୟାଟ୍ରିକ୍ କୋନାର୍ଡ, ଓଉଟ ଭାନ୍ ଆର୍ଟ, ବ୍ରେଣ୍ଟ ଭାନ୍ ମୋଏର ଓ