ସୁରଟ,୫ା୫: ଭାଜପାର ପୂର୍ବତନ ମୁଖପାତ୍ର ନୁପୂର ଶର୍ମାଙ୍କୁ ହତ୍ୟା ଧମକ ଦେବା ସହ ହିନ୍ଦୁ ସଂଗଠନର ଜଣେ ନେତାଙ୍କୁ ହତ୍ୟା ଯୋଜନା କରିଥିବା ଅଭିଯୋଗରେ ସୁରଟର ଜଣେ ମୌଲବୀଙ୍କୁ ଗୁଜରାଟ ପୋଲିସ ଗିରଫ କରିଛି। ମୌଲବୀ ସୋହେଲ ଅବୁବକର ତିମୋଲ(୨୭) ମୁସଲମାନ ପିଲାମାନଙ୍କୁ ଇସ୍ଲାମ ଉପରେ ଘରୋଇ ଟ୍ୟୁସନ ଦେଉଥିଲେ। ଏହା ବ୍ୟତୀତ ସେ ଏକ କାରଖାନାରେ କାମ କରୁଥିଲେ। ଏଥିସହିତ ମୌଲବୀ ସୋହେଲ ତାଙ୍କର ପାକିସ୍ତାନ ଓ ନେପାଳ ପରିଚାଳକଙ୍କ ସହ ମିଶି ସୁଦର୍ଶନ ଟେଲିଭିଜନ ଚ୍ୟାନେଲର ମୁଖ୍ୟ ସମ୍ପାଦକ ତଥା ଭାଜପାର ତେଲଙ୍ଗାନା ବିଧାୟକ ରାଜା ସିଂଙ୍କୁ ମଧ୍ୟ ଧମକ ଦେଇଥିଲେ ବୋଲି ସୁରଟ ପୋଲିସ କମିଶନର ଅନୁପମ ସିଂ ଗେହଲଟ କହିଛନ୍ତି। ମୌଲବୀଙ୍କୁ ଅଟକ ପରେ ତାଙ୍କ ମୋବାଇଲ ଫୋନ୍ରୁ ଅନେକ ଆପତ୍ତିଜନକ କଣ୍ଟେଣ୍ଟ ମିଳିଥିଲା।