ମେଲବୋର୍ନ,୬ା୧୨: ଅଷ୍ଟ୍ରେଲୀୟ ବିସ୍ଫୋରକ ଅଲରାଉଣ୍ଡର ଗ୍ଲେନ୍ ମ୍ୟାକ୍ସଓ୍ବେଲ ଆଇପିଏଲ୍ ପ୍ରତି ଥିବା ଭଲପାଇବା ଦର୍ଶାଇଛନ୍ତି। ଯେତେବେଳ ଯାଏ ଚାଲିପାରୁଥିବି ସେ ପର୍ଯ୍ୟନ୍ତ ଆଇପିଏଲ୍ ଖେଳିବି ବୋଲି କହିଛନ୍ତି। ସାକ୍ଷାତକାରରେ ମ୍ୟାକ୍ସଓ୍ବେଲ କହିଛନ୍ତି, ଆଇପିଏଲ୍ ତାଙ୍କ କ୍ୟାରିୟରର ଶେଷ ଟୁର୍ନାମେଣ୍ଟ ହେବ।
ମ୍ୟାକ୍ସଓ୍ବେଲ କହିଛନ୍ତି,ମୋ କ୍ୟାରିୟର ପାଇଁ ଆଇପିଏଲ୍ ଏକ ବଡ଼ ପ୍ଲାଟଫର୍ମ। ଏଠାରେ ନୂଆ ନୂଆ ଲୋକଙ୍କୁ ଭେଟିବାର ସୁଯୋଗ ମିଳିଥାଏ। ଅନେକ ନୂତନ କୋଚ୍ଙ୍କ ସହିତ କାର୍ଯ୍ୟ କରିବାର ଅଭିଜ୍ଞତା ମିଳୁଥିବା ବେଳେ ଏବି ଡି ଭିଲିୟର୍ସ ଓ ବିରାଟ କୋହଲିଙ୍କ ପରି ଖେଳାଳିଙ୍କ ସହ ଖେଳିବାର ସୌଭାଗ୍ୟ ମିଳିଥାଏ। ଏହା ଶିଖିବାର ନୂଆ ନୂଆ ସୁଯୋଗ ଦେଇଥାଏ।
ମ୍ୟାକ୍ସଓ୍ବେଲ ଆଗାମୀ ଆଇପିଏଲ୍ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଜର୍ସିରେ ନଜର ଆସିବେ।