ନୂଆଦିଲ୍ଲୀ,୨୭।୬: ଭାରତ ଏବଂ ଇଂଲଣ୍ଡ ମଧ୍ୟରେ ଜୁଲାଇ ୧ ତାରିଖରେ ଟେଷ୍ଟ ମ୍ୟାଚ୍ ଆରମ୍ଭ ହେବାକୁ ଯାଉଛି। ଏହା ପୂର୍ବରୁ ଅଧିନାୟକ ରୋହିତ ଶର୍ମା କରୋନା ସଂକ୍ରମିତ ହୋଇଥିଲେ। ତେବେ ସେ ଟେଷ୍ଟ ମ୍ୟାଚ୍ ଖେଳିବେ କି ନାହିଁ ଆଶଙ୍କା ଲାଗି ରହିଥିଲା। ଏହାରି ମଧ୍ୟରେ ରୋହିତଙ୍କ ସ୍ଥାନରେ ମୟଙ୍କ ଅଗ୍ରଓ୍ବାଲଙ୍କୁ ଦଳରେ ବିସିସିଆଇ ସାମିଲ କରିଛି। ଏହାକୁ ନେଇ ବିସିସିଆଇ ପକ୍ଷରୁ ଟୁଇଟ୍ ଯୋଗେ ସୋମବାର ସୂଚନା ଦିଆଯାଇଛି। ଟୁଇଟ୍ ଅନୁଯାୟୀ, ‘ମୟଙ୍କ ଅଗ୍ରଓ୍ବାଲଙ୍କୁ ଇଂଲଣ୍ଡ ବିପକ୍ଷ ଟେଷ୍ଟ ପାଇଁ ଭାରତୀୟ ଦଳରେ ସାମିଲ କରାଯାଇଛି । ରୋହିତ ଶର୍ମାଙ୍କ ବଦଳରେ ସେ ଖେଳିବେ।’ ଇଂଲଣ୍ଡ ବିପକ୍ଷରେ ଭାରତ ଏକମାତ୍ର ଟେଷ୍ଟ ମ୍ୟାଚ ଖେଳିବାକୁ ଥିବା ବେଳେ ଏହା ପରେ ଦିନିକିଆ ଏବଂ ଟି-୨୦ ସିରିଜ୍ ମଧ୍ୟ ଖେଳିବ ।
