କେନ୍ଦୁଝର, ୧୭ା୯(ସ୍ବ.ପ୍ର.): ରାଷ୍ଟ୍ରପତି ଭବନରୁ ଡକରା ପାଇ ନୂଆଦିଲ୍ଲୀ ଯାଇଥିବା କେନ୍ଦୁଝରଗଡ଼ ପୌରାଧ୍ୟକ୍ଷା ନିକୁ ସାହୁ ଶୁକ୍ରବାର ସାରେ ରାଇସିନା ହିଲ୍ରେ ପହଞ୍ଚତ୍ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି। ସାକ୍ଷାତ ସମୟରେ ରାଷ୍ଟ୍ରପତିଙ୍କୁ ମା’ ତାରିଣୀଙ୍କ ଫଟୋ ପ୍ରଦାନ କରିଛନ୍ତି। ଜିଲାରେ ଆବଶ୍ୟକ ଥିବା ଇସ୍ପାତ କାରଖାନା, ଏୟାରଷ୍ଟ୍ରିପ୍ ବିଷୟରେ ଅବଗତ କରିବା ସହ ହୋଲ୍ଡିଂ ଟ୍ୟାକ୍ସ, ଟ୍ରକ୍, ସ୍ଲରୀ ପାଇପ ଲାଇନ ଆଦି ସମସ୍ୟା ବିଷୟରେ ଆଲୋଚନା କରିଥିଲେ। ସାକ୍ଷାତ୍ ସମୟରେ ଜିତେନ୍ଦ୍ର ସାହୁ ଉପସ୍ଥିତ ଥିଲେ। ତିନି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସେଣ୍ଟ୍ରାଲ ଭିଷ୍ଟା ଉଦ୍ଘାଟନୀ କାର୍ଯ୍ୟକ୍ରମରେ ଯୋଗଦେଇ ଫେରିବା ପରେ ଶୁକ୍ରବାର ରାଷ୍ଟ୍ରପତିଙ୍କୁ ଭେଟିବା ପାଇଁ ଆମନ୍ତ୍ରଣ ମିଳିଥିଲା। ଶନିବାର କେନ୍ଦୁଝର ତଥା ଜିଲାର ବିଭିନ୍ନ ସମସ୍ୟାକୁ ନେଇ ବିଭାଗୀୟ କେନ୍ଦ୍ରମନ୍ତ୍ରୀଙ୍କ ସହିତ ଆଲୋଚନା କରିବା ସହ ଭାଜପା ମୁଖ୍ୟାଳୟରେ ବରିଷ୍ଠ ନେତାଙ୍କୁ ସେ ଭେଟିବେ ବୋଲି ସୂଚନା ମିଳିଛି।
