ବାରିପଦା ଅଫିସ, ୭।୧୨: ମୟୂରଭଞ୍ଜ ସାଂସ୍କୃତିକ ବିକାଶ ଅନୁଷ୍ଠାନ ଓ ଜିଲା ପ୍ରଶାସନର ମିଳିତ ସହଯୋଗରେ ଦ୍ୱିତୀୟ ଶିଶୁ କଳା ମହୋତ୍ସବ ବାରିପଦା ଶହୀଦ ସ୍ମୃତିଭବନ ପରିସରରେ ଆୟୋଜିତ ହୋଇଯାଇଛି। ପଦ୍ମଭୂଷଣ ଯତୀନ ଦାସଙ୍କ ମାର୍ଗ ଦର୍ଶନରେ ଅନୁଷ୍ଠିତ ଏହି ମହୋତ୍ସବରେ ଜିଲାର କୋଣ ଅନୁକୋଣରୁ ୭୦୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ଅଂଶଗ୍ରହଣ କରି ମାନପତ୍ର ଓ ଉପହାର ଗ୍ରହଣ କରିଥିଲେ। ଉଦ୍ଘାଟନୀ ଉତ୍ସବରେ ମୁଖ୍ୟଅତିଥି ଭାବେ ସାମାଜିକ କର୍ମୀ ଲଲାଟେନ୍ଦୁ ରଥ ଯୋଗଦେଇ ମୟୂରଭଞ୍ଜର କଳା ସଂସ୍କୃତି ସମସ୍ତଙ୍କ ପାଇଁ ପ୍ରେରଣାର ଉତ୍ସ ହୋଇ ରହିଛି ବୋଲି ପ୍ରକାଶ କରିଥିଲେ। ସମ୍ମାନିତ ଅତିଥି ଭାବେ ନାଟ୍ୟ ନିର୍ଦ୍ଦେଶକ ଧୀର ବସା ଯୋଗ ଦେଇଥିଲେ।
ଖବରଦାତା ବୀରେନ୍ଦ୍ର ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ମହୋତ୍ସବ ଆୟୋଜିତ ହୋଇଥିଲା। ରଞ୍ଜନ କୁମାର ମହାନ୍ତି, ତଥାଗତ ଉପାଧ୍ୟାୟ, ସୁଶ୍ରୀ ମହାନ୍ତି, ଡ.ମୀନତି ମଲ୍ଲିକ, ରେଣୁବାଳା ରଥ, ସୁନୀତ ପୁରୀ, ସୋନାଲିକା ମହାପାତ୍ର, ନିବେଦିତା ମହାନ୍ତ, ସୋନାଲୀ ମୁର୍ମୁ, ଅନିମା ମିଶ୍ର, ଦୀପକ ମୁର୍ମୁ ପରିଚାଳନାରେ ସହଯୋଗ କରିଥିଲେ। ଏହି ଅବସରରେ ହସ୍ତକଳା ପ୍ରଦର୍ଶନୀ ଓ ୩ଜଣ ଚିତ୍ରଶିଳ୍ପୀ, କଲ୍ୟାଣ ବାରିକ, ମାନସ ପତି ଓ ମହେନ୍ଦ୍ର ଦଣ୍ଡପାଟଙ୍କ ଚିତ୍ର ପ୍ରଦର୍ଶନ କରାଯାଇଥିଲା। ଉଦ୍ଯାପନୀ ଉତ୍ସବରେ ମୟୂରଭଞ୍ଜର କଳା ଓ ସଂସ୍କୃତିର ପୁରୋଧାମାନଙ୍କୁ ମଞ୍ଚରେ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।
