ମୁମ୍ବାଇ: ବି-ଟାଉନ୍ର ଲୋକପ୍ରିୟ ଦମ୍ପତିଙ୍କ ମଧ୍ୟରୁ କିଙ୍ଗ ଖାନ୍ ଶାହାରୁଖ ଖାନ୍ ଏବଂ ଗୌରୀ ଖାନ୍ ଅନ୍ୟତମ। ଆଜି ବି ଅନେକଙ୍କ ପାଇଁ ତାଙ୍କ ପ୍ରେମ ଉଦାହରଣ ପାଲଟିଛି। କାରଣ ଭିନ୍ନ ଧର୍ମର ହୋଇଥିଲେ ହେଁ ଦୁହେଁ ପରସ୍ପରକୁ ଜୀବନସାଥୀ ରୂପେ ବାଛିଥିଲେ। ୧୯୯୧ ଅକ୍ଟୋବର ୨୧ରେ ତାଙ୍କର ବିବାହ ହୋଇଥିଲା। ଏବେ ଏହି ସମ୍ପର୍କକୁ ୩୩ ବର୍ଷ ବିତି ସାରିଛି। ଗୌରୀଙ୍କ ପରିବାର ଶାହାରୁଖଙ୍କ ଧର୍ମକୁ ନେଇ ବିବାହ ଲାଗି ଅରାଜି ଥିଲେ। ହେଲେ ଦୁହେଁ ସମସ୍ତଙ୍କୁ ରାଜି କରାଇଥିଲେ। ବିବାହ ପରେ ଗୌରୀ ନିଜ ଧର୍ମ ପରିବର୍ତ୍ତନ କରି ଇସଲାମ୍ ଧର୍ମ ଗ୍ରହଣ କରିନେବେ ବୋଲି କୁହାଯାଉଥିଲା। ହେଲେ ସେଭଳି ହୋଇ ନ ଥିଲା। ଶାହାରୁଖ ମଧ୍ୟ ତାଙ୍କ ଉପରେ କୌଣସି ଚାପ ପକାଇ ନ ଥିଲେ। ଏମିତିରେ ଏବେ ଚର୍ଚ୍ଚା ହେଉଛି ଯେ ଗୌରୀ ୩୩ ବର୍ଷ ପରେ ମକ୍କା ଯାଇ ନିଜର ଧର୍ମ ବଦଳାଇଛନ୍ତି। ତାଙ୍କ ଫଟୋ ମଧ୍ୟ ଭାଇରାଲ ହେଉଛି। ଆସନ୍ତୁ ଜାଣିବା ସେହି ଫଟୋ ପଛର ସତ।
View this post on Instagram
ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋରେ ଶାହାରୁଖ, ଗୌରୀଙ୍କ ସହ ପୁଅ ଆର୍ୟନ ନଜର ଆସୁଛନ୍ତି। ଏମିତିରେ ଗୌରୀଙ୍କ ଉମରାହ୍ ଲୁକ୍କୁ ବେଶ ପସନ୍ଦ କରାଯାଉଛି। ତେବେ ଏହି ଫଟୋ ସାମ୍ନାକୁ ଆସିବା ପରେ ଗୌରୀଙ୍କ ଧର୍ମକୁ ନେଇ ଆଲୋଚନା ବଢ଼ିଛି। ହେଲେ କହି ରଖୁଛୁ ଯେ ଏହି ଫଟୋଗୁଡ଼ିକ AI ଦ୍ୱାରା ଏଡିଟ୍ କରାଯାଇଛି। ଏଭଳି କରି କଳାକାରଙ୍କ ବିରୋଧରେ ଗୁଜବ ସୃଷ୍ଟି କରାଯାଉଛି।
View this post on Instagram
କହିରଖୁଛୁ, ଶାହାରୁଖ-ଗୌରୀଙ୍କ ପୂର୍ବରୁ ଅନେକ ସେଲିବ୍ରିଟି AIର ଶିକାର ହୋଇଛନ୍ତି। ଆଲିଆ ଭଟ୍ଟ, କଟ୍ରିନା କୈଫଙ୍କ ଭଳି ଷ୍ଟାର୍ଙ୍କ ଡିପ୍ଫେକ୍ ଭିଡିଓ ସାମ୍ନାକୁ ଆସିଛି।
