ହିଂସା ବିଷୟରେ ମିଡିଆ କଭରେଜ, ଦେଶର ଗୁରୁତ୍ୱପୂର୍ଣ୍ଣ ଖବର ପାଇଁ ଟିମ ଗଠନ କରିବ ଏଡିଟର୍ସ ଗିଲ୍ଡ…

ନୂଆଦିଲ୍ଲୀ,୨୭।୭ : ଏଡିଟର୍ସ ଗିଲ୍ଡ ଅଫ ଇଣ୍ଡିଆ କହିଛି ସ୍ଥାନୀୟ ତଥା ଜାତୀୟ ଗଣମାଧ୍ୟମସ୍ତରରେ ମଣିପୁରରେ ଜାତିଗତ ହିଂସାକୁ କଭରେଜ କରିବାକୁ ଏକ ତଥ୍ୟ ସମ୍ବଳିତ ମିଶନ ପାଇଁ ବରିଷ୍ଠ ଗଣମାଧ୍ୟମ ପ୍ରତିନିଧିଙ୍କ ଏକ ଟିମ ଗଠନ କରୁଛି। ମେ ୩ ତାରିଖରୁ ମଣିପୁରରେ ଆରମ୍ଭ ହୋଇଥିବା ଜାତିଗତ ହିଂସା ବିଷୟରେ ଗଣମାଧ୍ୟମରେ ପ୍ରକାଶ ପାଇଥିବା ସ୍ପଷ୍ଟ ପକ୍ଷପାତିତା ଉପରେ ଗଭୀର ଚିନ୍ତା ପ୍ରକଟ କରି ଗିଲ୍ଡ ଏକ ବିବୃତ୍ତି ଜାରି କରିଛି।

ଏହି ଟିମର ମୂଳ ଉଦ୍ଦେଶ୍ୟ ହେବ ଉଭୟ ସ୍ଥାନୀୟ ତଥା ଜାତୀୟ ଗଣମାଧ୍ୟମ ଦ୍ୱାରା ହିଂସା ରିପୋର୍ଟର ନିରପେକ୍ଷ ଏବଂ ସଠିକ ବିଶ୍ଳେଷଣ ପ୍ରଦାନ କରିବା ତଥା ଖବରଦାତାଙ୍କ ଆଚରଣକୁ ନେଇ ଅଧିକ ଉତ୍ତରଦାୟିତ୍ୱ ବୃଦ୍ଧି କରିବା ବୋଲି ବିବୃତ୍ତିରେ କୁହାଯାଇଛି। ଗିଲ୍ଡ କହିଛି ୍‌ଖବରର ଦ୍ୱିପାକ୍ଷିକ କଭରେଜ ଦ୍ୱନ୍ଦ୍ୱ ଏବଂ ହିଂସାକୁ ଆହୁରି ବଢ଼ାଇ ଦେଇଛି।