ୟୁଏଇରେ ଖେଳାଯାଉଥିବା ଆଇପିଏଲ୍ ୨୦୨୦ରେ ଏକ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦ୍କୁ ସୁପର୍ ଓଭରରେ ପରାସ୍ତ କରିଛି କୋଲକତା ନାଇଟ୍ ରାଇଡର୍ସ। ଏହି ମ୍ୟାଚ୍ର ଅମ୍ପାୟର ଥିବା ପଶ୍ଚିମ ପାଠକ ବେଶ୍ ଚର୍ଚ୍ଚାରେ ଥିଲେ। ସେ ପଡିଆକୁ ଆସିବା ମାତ୍ରେ ତାଙ୍କୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ସୋସିଆଲ ମିଡିଆରେ ପାଠକଙ୍କ ଲମ୍ବା କେଶକୁ ନେଇ ଆଲୋଚନା ଚାଲିଛି। କେହି କେହି ତାଙ୍କ ମହେନ୍ଦ୍ର ସିଂ ଧୋନୀଙ୍କ ପ୍ରେରଣାରେ ସେ କେଶ ରଖିଥିବା କହୁଛନ୍ତି। ୪୩ ବର୍ଷୀୟ ପଶ୍ଚିମ ପାଠକ ୨୦୧୪ରୁ ଇଣ୍ଡିଆନ୍ ପ୍ରିମିୟର୍ ଲିଗ୍ରେ ଅମ୍ପାୟରିଂ କରିଆସୁଛନ୍ତି। ୨୦୧୨ରେ ସେ ମହିଳା ଅନ୍ତର୍ଜାତୀୟ ଏକଦିବସୀୟ ମ୍ୟାଚ୍ ପରିଚାଳନା କରିଥିଲେ। ୨୦୧୫ରେ ପାଠକ ଅମ୍ପାୟରିଂ କରୁଥିବା ସମୟରେ ହେଲ୍ମେଟ୍ ଲଗାଇ ଚର୍ଚ୍ଚାକୁ ଆସିଥିଲେ। ପ୍ରଥମ ଭାରତୀୟ ଅମ୍ପାୟର ଭାବେ ସେ ଏପରି କରିଥିଲେ। ଘରୋଇ ଟୁର୍ନାମେଣ୍ଟ ବିଜୟ ହଜାରେ ଟ୍ରଫି ମ୍ୟାଚ୍ ଅମ୍ପାୟରିଂ କରୁଥିବା ସମୟରେ ସେ ହେଲମେଟ୍ ଲଗାଇଥିଲେ। ତାଙ୍କ ସାଥୀ ଅମ୍ପାୟରଙ୍କ ମୁଣ୍ଡରେ ବଲ୍ ବାଜିଥିବା ଦେଖି ସେ ଏଭଳି ନିଷ୍ପତ୍ତି ନେଇଥିଲେ।