ଭୁବନେଶ୍ୱର, ୨୦।୨: ବେଦାନ୍ତ ଆଲୁମିନିୟମ୍ର ଓଡ଼ିଶା ୟୁନିଟ ପକ୍ଷରୁ ନିକଟରେ ଏକ ମେଗା ସ୍ବାସ୍ଥ୍ୟ ସଚେତନତା ସୁନ୍ଦରଗଡ଼ଠାରେ ଶୁଭାରମ୍ଭ କରାଯାଇଥିଲା। ଏପରିକି କମ୍ପାନୀ ଗତ ସପ୍ତାହବ୍ୟାପୀ ସଚେତନତା ଅଭିଯାନ ଚଳାଇଛି। ବିଶେଷ କରି ଉକ୍ତ ଅଞ୍ଚଳର କିଶୋରୀ ବାଳିକାମାନଙ୍କ ମଧ୍ୟରେ ମାସିକ ଋତୁସ୍ରାବ ସମ୍ପର୍କରେ ବ୍ୟାପକ ସଚେତନତା କରାଯାଉଛି।
ଉକ୍ତ ଅଭିଯାନ ଜିଲାର ମୁଣ୍ଡରଖେଟ, ଝରପଲମ, ଟାପାରିଆ, ଲୁଆବାହାଲ, ଚାଟବାର, ବିଲାଇମୁଣ୍ଡା ଓ ଗିରିଶିମେନ ଆଦି ଗ୍ରାମରେ ରହୁଥିବା ୬୫୦ରୁ ଅଧିକ କିଶୋରୀଙ୍କ ନିକଟରେ କମ୍ପାନୀ ଏକ ସ୍ବତନ୍ତ୍ର ସଚେତନତା ଟିମ ପହଞ୍ଚତ୍ଥିଲା। ଏ ସମ୍ପର୍କରେ ବେଦାନ୍ତ ଲିମିଟେଡ୍ର ସିଇଓ (ଖଣି ତଥା ଆଲୁମିନିୟମ ବିଜ୍ନେସ୍) ଭି. ଶ୍ରୀକାନ୍ତ କହିଥିଲେ, ସ୍ବାସ୍ଥ୍ୟ ବିକାଶ ଆମ ଗୋଷ୍ଠୀ ପାଇଁ ପ୍ରମୁଖ ଧ୍ୟାନ କ୍ଷେତ୍ର ହୋଇଥିବା ବେଳେ ଆମେ ବିଶ୍ୱାସ କରୁ ଯେ ଏକ ସୁସ୍ଥ ଗୋଷ୍ଠୀ ଗଠନ ହେଉଛି ସମସ୍ତଙ୍କର କାମ୍ୟ, ଯଦ୍ଦ୍ବାରା ସମାଜରେ ପରିବର୍ତ୍ତନ ଆସେ।