ଲଣ୍ଡନ,୬।୯: ପ୍ରିନ୍ସ ହ୍ୟାରି ଓ ତାଙ୍କ ସହଧର୍ମିଣୀ ମେଗନ ମାର୍କେଲ ରାଜକୁମାରୀ ଡାଏନାଙ୍କ ଜୀବନିକୁ ନେଇ ଏକ ଡକ୍ୟୁମେଣ୍ଟାରୀ ଫିଲ୍ମ ନିର୍ମାଣ କରିବାକୁ ଚିନ୍ତା କରିଛନ୍ତି। ଏଥିପାଇଁ ନେଟଫ୍ଲିକ୍ସ ସହ କଥା ହେବାକୁ ସେମାନେ ପ୍ରସ୍ତୁତ ହୋଇ ସାରିଲେଣି। ଏହି ଡକ୍ୟୁମେଣ୍ଟାରୀ ଫିଲ୍ମ ରାଜକୁମାରୀ ଡାଏନାଙ୍କ ପାଇଁ ଏକ ଶ୍ରଦ୍ଧାଞ୍ଜଳି ହେବ ବୋଲି କୁହାଯାଉଛି। ଏଥିପାଇଁ ନେଟଫ୍ଲିକ୍ସ ସହ ୧୧୨ ମିଲିୟନ ପାଉଣ୍ଡର ଏକ ଡିଲ୍ ହେବ ବୋଲି ଶୁଣିବାକୁ ମିଳିଛି। ଚଳିତ ସପ୍ତାହରେ ଡ୍ୟୁକ ଓ ଡଚେସ ଷ୍ଟ୍ରିମିଂର ବଡ କମ୍ପାନୀ ନେଟଫ୍ଲିକ୍ସ ସହ ଏହାକୁ ନେଇ ଏକ ଚୁକ୍ତି କରାଯିବା କଥା କହିଛନ୍ତି। ଏହି ଫିଲ୍ମ ନିର୍ମାଣ ପାଇଁ ସେମାନେ ନେଟଫ୍ଲିକ୍ସ ମଞ୍ଚକୁ ବ୍ୟବହାର କରିବାକୁ ଚାହିଁଥିବା ଦର୍ଶାଇଛନ୍ତି।
ପ୍ରିନ୍ସ ହ୍ୟାରି ଓ ତାଙ୍କ ସହଧର୍ମିଣୀ ମେଗନ ମାର୍କେଲ ରାଜ ପରିବାରରୁ ଅଲଗା ହେବା ପରେ ଚଳିତ ବର୍ଷ ଜାନୁୟାରୀରେ ଏମିତି ଏକ ଡକ୍ୟୁମେଣ୍ଟାରୀ ଫିଲ୍ମ ନିର୍ମାଣ କରିବାକୁ ସ୍ଥିର କରିଥିବା କୁହାଯାଏ। ଏମାନେ ନିଜେ ଏକ ପ୍ରଡକ୍ସନ କମ୍ପାନୀ ଆରମ୍ଭ କରିଥିବା ବେଳେ ସେଥିରେ ଡକ୍ୟୁମେଣ୍ଟାରୀ, ଫିଚର ଫିଲ୍ମ ଓ ପିଲାଙ୍କ କାର୍ଯ୍ୟକ୍ରମ ପ୍ରସ୍ତୁତ କରାଯିବ ବୋଲି ଜଣାପଡିଛି। ସୂଚନାଯୋଗ୍ୟ, ମାତ୍ର ୩୬ ବର୍ଷ ବୟସରେ ୧୯୯୭ରେ ଏକ କାର୍ ଦୁର୍ଘଟଣାରେ ରାଜକୁମାରୀ ଡାଏନାଙ୍କ ମୃତ୍ୟୁ ହୋଇଥିଲା। ଏହି ଡକ୍ୟୁମେଣ୍ଟାରୀରେ ଡାଏନାଙ୍କ ଜୀବନୀ ତାଙ୍କ ଦ୍ୱାରା କରାଯାଇଥିବା କାମକୁ ଦେଖାଯିବ ବୋଲି କୁହାଯାଉଛି। ଯେମିତିକି ଡାଏନା ଏଡ୍ସ ପୀଡିତଙ୍କ ପାଇଁ କାମ କରି ଆସିଥିଲେ ଚର୍ଚ୍ଚାକୁ।
