ୱାଶିଂଟନ,୯ ।୧୧: ଆମେରିକାରେ ଅନୁଷ୍ଠିତ ହୋଇଥିବା ରାଷ୍ଟ୍ରପତି ନିର୍ବାଚନରେ ଜୋ ବାଇଡେନ୍ ବିଜୟ ଲାଗ କରିଥିବା ବେଳେ ଡୋନାଲ୍ଡ ଟ୍ରମ୍ପ ହାରି ଯାଇଛନ୍ତି । ହେଲେ ଏବେବି ଟ୍ରମ୍ପ ନିଜ ପରାଜୟକୁ ସ୍ୱୀକାର ନ କରି ବରଂ ବାଇଡେନ୍ ଭୁଲ୍ ଉପାୟରେ ବିଜୟ ଲାଭ କରିଛନ୍ତି ବୋଲି କହୁଛନ୍ତି । ଇତିମଧ୍ୟରେ ଆମେରିକାର ଫାଷ୍ଟ ଲେଡି ମେଲାନିଆ ଟ୍ରମ୍ପ କିନ୍ତୁ ପତି ଡୋନାଲ୍ଡ ଟ୍ରମ୍ପକୁ ବୁଝାଇବାକୁ ଚେଷ୍ଟା କରିଛନ୍ତି । ମେଲାନିଆ କହିଛନ୍ତି ଟ୍ରମ୍ପ ନିଜ ପରାଜୟକୁ ସ୍ୱୀକାର କରି ନିଅନ୍ତୁ । ଯଦିଓ ସେ ଏହାକୁ ସାର୍ବଜନିନ କରି ନାହାନ୍ତି ତଥାପି ବିଶେଷ ସୂତ୍ରରୁ ଏହା ସୂଚନା ମିଳିଛି । ଏହା ପୂର୍ବରୁ ମଧ୍ୟ ଟ୍ରମ୍ପଙ୍କ ଜ୍ୱାଇଁ ତଥା ହ୍ୱାଇଟ ହାଉସର ପରାମର୍ଶଦାତା ଜାରେଡ କୁଶନର ମଧ୍ୟ ଟ୍ରମ୍ପ ତାଙ୍କ ପରାଜୟକୁ ସ୍ୱୀକାର କରି ନିଅନ୍ତୁ ବୋଲି କହିଥିଲେ । ସୂଚନାଯୋଗ୍ୟ, ନିର୍ବାଚନ ପ୍ରଚାରରେ ମେଲାନିଆ ଟ୍ରମ୍ପଙ୍କୁ ସହଯୋଗ କରିଥିଲେ ବି ଏବେ ସେ ଓ ପରିବାର ସଦସ୍ୟ ମିଶି ଟ୍ରମ୍ପଙ୍କୁ ବୁଝାଇବାକୁ ଚେଷ୍ଟା କରୁଥିବା ଜଣାପଡିଛି । ଅନ୍ୟପଟେ ଆମରିକାର ନୂଆ ରାଷ୍ଟ୍ରପତି ଜୋ ବାଇଡେନ ତାଙ୍କ କାମ ଆରମ୍ଭ କରିଥିବା ବେଳେ ଟ୍ରମ୍ପ କିନ୍ତୁ ଏପର୍ଯ୍ୟନ୍ତ ନିଜର ପରାଜୟକୁ ସ୍ୱୀକାର କରିପାରୁ ନାହାନ୍ତି ।
