ଛତ୍ରପୁର,୨୯।୪(ଡି.ଏନ୍.ଏ.): ଓଡ଼ିଶା ରାଜ୍ୟ ଅବସରପ୍ରାପ୍ତ କର୍ମଚାରୀ ମହାସଂଘ ଗଞ୍ଜାମ ଜିଲା ଶାଖା ପକ୍ଷରୁ ବିଭିନ୍ନ ଦାବି ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳଙ୍କୁ ସ୍ମାରକପତ୍ର ପ୍ରଦାନ କରାଯାଇଛି। ଦାବିଗୁଡ଼ିକ ମଧ୍ୟରେ ରାଜ୍ୟର ସମସ୍ତ ଅବସରପ୍ରାପ୍ତ କର୍ମଚାରୀଙ୍କୁ ଚିକିତ୍ସା ଭତ୍ତା ଓ ଚିକିତ୍ସା ସୁବିଧା, ପୂର୍ବଭଳି ରେଳଯାତ୍ରାରେ ବରିଷ୍ଠ ନାଗରିକଙ୍କୁ ରିହାତି ପୁନଃ ପ୍ରଚଳନ, ବସ୍ଯାତ୍ରାରେ ୫୦% ରିହାତି, ସ୍ବଳ୍ପ ସଞ୍ଚୟ ଯୋଜନାରେ ସୁଧ ହାର ବୃଦ୍ଧି, କେନ୍ଦ୍ର ଅନୁସାରେ ପୂରା ପେନ୍ସନ, ଗ୍ୟାରେଣ୍ଟି ପେନ୍ସନ ବ୍ୟବସ୍ଥା ୨୦୦୫ ଲାଗୁ, ଅତିରିକ୍ତ ପେନ୍ସନ ୬୫ ବର୍ଷରୁ ୨୦% ଲାଗୁ କରିବା, ସଙ୍ଘ ପାଇଁ ଭୁବନେଶ୍ୱରରେ ଜମି ଯୋଗାଇଦେବା, ୧୮ ମାସର ମହଙ୍ଗା ଭତ୍ତା ପ୍ରଦାନ ଆଦି ରହିଛି । ଏଥିରେ ଜିଲା ଶାଖା ସଭାପତି ଡି. ମୋହନ ରାଓ, ସମ୍ପାଦକ ଅରୁଣ କୁମାର ବ୍ରହ୍ମା, କେ ନନ୍ଦେଶୁ ସେନାପତି ପ୍ରମୁଖ ସାମିଲ ଥିଲେ।