କାହାର ଭାଗ୍ୟ କେତେବେଳେ ବଦଳିଯିବ ତାହା କେହି ଜାଣେନା। ଅନେକ ସମୟରେ ଲୋକଙ୍କ ଭାଗ୍ୟ ଏଭଳି ବଦଳିଯାଏ ଯାହାକୁ ସେମାନେ ବିଶ୍ୱାସ କରିପାରନ୍ତି ନାହିଁ। କିଛି ବାଳକଙ୍କ ସହ ଏବେ ସେଭଳି ହୋଇଛି। ସେମାନେ କବାଡି ଖାନାରୁ ଏକ ପୁରୁଣା ଏଟିଏମ୍ ମେଶିନ ଆଣିଥିଲେ। ହେଲେ ଘରେ ମେଶିନକୁ ଖୋଲିବା ପରେ ତାଙ୍କ ଭାଗ୍ୟ ବଦଳିଯାଇଥିଲା। ସେମାନେ କେଇ ସେକେଣ୍ଡରେ ଲକ୍ଷପତି ହୋଇଗଲେ। ବର୍ତ୍ତମାନ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଯାହା ସୂଚନା ରହିଛି, ଉକ୍ତ ଯୁବକମାନେ ଜଣେ ବ୍ୟକ୍ତିଙ୍କଠାରୁ ୩୦୦ ଡଲାର(ପ୍ରାୟ ୨୨ହଜାର ୩୬୦ ଟଙ୍କା) ଦେଇ ପୁରୁଣା ଏଟିଏମ୍ ମେଶିନ କିଣିଥିଲେ। ହେଲେ ସେ ମେଶିନର ଚାବି ଦେଇ ନ ଥିଲେ। ଫଳରେ ସେମାନେ ଏଟିଏମ୍କୁ ନେଇ ହାତୁଡି, ଡ୍ରିଲ ଏବଂ ଅନ୍ୟାନ୍ୟ ଉପକରଣ ମାଧ୍ୟମରେ ଖୋଲିବାକୁ ଚେଷ୍ଟା କରିଥିଲେ। ବହୁ ପରିଶ୍ରମ ପରେ ଯୁବକମାନେ ମେଶିନକୁ ଖୋଲିବାକୁ ସକ୍ଷମ ହୋଇଥିଲେ। ମେଶିନ ଖୋଲିବା ପରେ ସେମାନେ ଦୁଇ ହଜାର ଡଲାର(ପ୍ରାୟ ୧.୫ ଲକ୍ଷ) ନଗଦ ଟଙ୍କା ପାଇଥିଲେ। ଏତେ ପରିମାଣର ଟଙ୍କା ଦେଖି ସେମାନେ ବହୁତ ଖୁସି ହୋଇଯାଇଥିଲେ। ଘଟଣାର ଭିଡିଓ ଭାଇରାଲ ହେବା ପରେ ଲୋକମାନେ ‘ଭାଗ୍ୟ ହେବ ତ ଏମିତି’ ବୋଲି କହୁଛନ୍ତି।