କଲମ୍ବୋ,୫।୭(ପି.ଟି.): ରାସ୍ତା ଦୁର୍ଘଟଣା ଘଟାଇ ଶ୍ରୀଲଙ୍କା ବ୍ୟାଟ୍ସମ୍ୟାନ କୁଶଲ ମେଣ୍ଡିସ୍ ରବିବାର ପୋଲିସ୍ ଦ୍ୱାରା ଗିରଫ ହୋଇଛନ୍ତି। ରାସ୍ତରେ ଚାଲୁଥିବା ଜଣେ ୭୪ ବର୍ଷୀୟ ବୃଦ୍ଧ ବ୍ୟକ୍ତି ତାଙ୍କ କାର ଦ୍ୱାରା ଧକ୍କା ଖାଇ ପ୍ରାଣ ହରାଇଛନ୍ତି। କଲମ୍ବୋ ସବର୍ବର ପାନାଡୁରାରେ ଏହି ର୍ଦୁ୍ଘଟଣା ଘଟିଥିଲା। ମେଣ୍ଡସ୍ଙ୍କୁ ରବିବାର ମ୍ୟାଜିଷ୍ଟ୍ରେଟ୍ଙ୍କ ସମ୍ନାରେ ହାଜର କରାଯାଇଛି ଓ ଏ ନେଇ ତଦନ୍ତ ଚାଲୁ ରହିଛି ବୋଲି ପୋଲିସ୍ ତରଫରୁ କୁହାଯାଇଛି।
୨୫ ବର୍ଷୀୟ ଉଇକେଟକିପର ବ୍ୟାଟ୍ସମ୍ୟାନ ମେଣ୍ଡିସ୍ ଶ୍ରୀଲଙ୍କା ତରଫରୁ ପ୍ରତିନିଧିତ୍ୱ କରି ୪୪ଟି ଟେଷ୍ଟ ଖେଳି ୩୭ ହାରରେ ୨,୯୯୫ ରନ ସଂଗ୍ରହ କରିଛନ୍ତି। ସେହିପରି ସେ ୭୬ଟି ଦିନିକିଆ ମ୍ୟାଚ୍ ଖେଳି ୮୪.୭ ରନ ହାରରେ ୨,୧୬୭ ରନ ସଂଗ୍ରହ କରିଛନ୍ତି। ୨୬ ଅନ୍ତର୍ଜାତୀୟ ଟି୨୦ ମ୍ୟାଚ୍ ଖେଳି ସେ ୧୮.୬ ହାରରେ ୪୮୪ ରନ ସଂଗ୍ରହ କରିଛନ୍ତି। କୋଭିଡ୍-୧୯ ମହମାରୀ ପାଇଁ ଲକ୍ଡାଲନ ଶେଷ ହେବା ପରେ ମେଣ୍ଡିସ୍ ଟ୍ରେନିଂ ଆରମ୍ଭ କରିଥିବା ଶ୍ରୀଲଙ୍କା ଦଳର ସଦସ୍ୟ ଥିଲେ। ଏହି ମହାମାରୀ କାରଣରୁ ଶ୍ରୀଲଙ୍କାର ଅନ୍ତର୍ଜାତୀୟ କାର୍ଯ୍ୟସୂଚୀ ବର୍ତ୍ତମାନ ପାଇଁ ବାତିଲ ହୋଇଛି। ଭାରତର ଶ୍ରୀଲଙ୍କା ଗସ୍ତ ମଧ୍ୟ ଏହି କାରଣରୁ ବାତିଲ ହୋଇଛି। ଉଲ୍ଲେଖଥାଉ କି, ପୂର୍ବତନ ଶ୍ରୀଲଙ୍କା ସ୍ପିନର କୌଶାଲ ଲୋକୁଆରାଚଚି ୨୦୦୩ରେ ଏହି ଭଳି ଦୁର୍ଘଟଣା ଘଟାଇ ୪ ବର୍ଷ ବାସନ୍ଦ ହେବା ଜେଲ୍ଦଣ୍ଡ ଭୋଗୁଛନ୍ତି।
