ବାର୍ସିଲୋନା, ୩୧ା୭ (ପି.ଟି.): ସ୍ପାନିଶ୍ ହକି ମହାସଂଘର ଶତବାର୍ଷିକୀ ଅବସରରେ ଆୟୋଜିତ ଇଣ୍ଟରନ୍ୟାଶନାଲ ଟୁର୍ନାମେଣ୍ଟରେ ଭାରତୀୟ ପୁରୁଷ ହକି ଦଳ ଏଫ୍ଆଇଏଚ୍ ହକି ପ୍ରୋ-ଲିଗ୍ ଚାମ୍ପିୟନ ନେଦରଲାଣ୍ଡ୍ସକୁ ୨-୧ ଗୋଲ୍ରେ ପରାସ୍ତ କରିଛି।
ରବିବାର ଖେଳାଯାଇଥିବା ଏହି ମ୍ୟାଚ୍ରେ ଭାରତ ତରଫରୁ ଅଧିନାୟକ ହରମନପ୍ରୀତି ସିଂ (୧୫ତମ ମିନିଟ୍), ଦିଲ୍ପ୍ରୀତ ସିଂ (୫୦ତମ ମିନିଟ୍) ଗୋଟିଏ ଲେଖାଏଁ ଗୋଲ୍ ସ୍କୋର କରିଥିବା ବେଳେ ଡଚ୍ ଦଳ ପକ୍ଷରୁ ଥିଏରୀ ବ୍ରିଙ୍କମ୍ୟାନ (୨୫ତମ) ଗୋଲ୍ ଦେଇଥିଲେ। କୌତୂହଳର କଥା ସମସ୍ତ ଗୋଲ୍ ପେନାଲ୍ଟି କର୍ନରରୁ ହୋଇଥିଲା। ତେବେ ଭାରତର ନୀଳକାନ୍ତ ଶର୍ମା ତାଙ୍କର ୧୦୦ତମ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି।
ବହୁ ପ୍ରତୀକ୍ଷିତ ଏସିଆନ ଚାମ୍ପିୟନଶିପ୍ରେ ଭାଗନେବା ଲାଗି ଭାରତୀୟ ଦଳ ମଙ୍ଗଳବାର ପ୍ରତ୍ୟୁଷରେ ଚେନ୍ନାଇରେ ପହଞ୍ଚତ୍ବ। ଏହି ଇଭେଣ୍ଟ ଅଗଷ୍ଟ ୩ରୁ ମେୟର ରାଧାକ୍ରିଷ୍ଣନ ହକି ଷ୍ଟାଡିୟମରେ ଖେଳାଯିବ।
