ବୈପାରିଗୁଡା, ୬।୭(ଡି.ଏନ୍.ଏ.): କୋରାପୁଟ ଜିଲା ବୈପାରିଗୁଡା ବ୍ଲକ ଅନ୍ତର୍ଗତ ଦଣ୍ଡାବାଡି ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଗ୍ରାମର ମାନସିକ ବିକାରଗସ୍ତ ଯୁବକ ଶୁକୁରାମ ଖିଲ ରବିବାର ରାତିରେ ନିଜ ଗୁହାଳରେ ନିଆଁ ଲଗାଇ ଦେଇଛନ୍ତି। ଫଳରେ ଗୁହାଳରେ ଥିବା ୧୦ ଛେଳି ଜୀବନ୍ତ ଦଗ୍ଧ ହୋଇଛନ୍ତି। ପରିବାର ଲୋକେ ଏପରି ନ କରିବାକୁ ଶୁକୁରାମଙ୍କୁ ବାରଣ କରିବାରୁ ସେ ଛୁରି ଦେଖାଇ ବାହାରକୁ ତଡ଼ି ଦେଇଥିଲେ। ଶୁକୁରାମ ବିଭାହିତ ଓ ତାଙ୍କର ସ୍ତ୍ରୀ ଓ ପିଲା ଅଛନ୍ତି । ପରିବାର ଲୋକଙ୍କ କହିବାନୁସାରେ, ଗତ କିଛି ଦିନ ତଳେ ଶୁକୁରାମଙ୍କ ସ୍ବଭାବରେ ପରିବର୍ତ୍ତନ ଦେଖି ଘର ଲୋକ ତାଙ୍କୁ ବୈପାରୀଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଦିନେ ରଖିବା ପରେ ଡାକ୍ତର ମେଡିଶିନ ଦେଇ ତାଙ୍କୁ ଡିସଚାର୍ଜ କରିଦେଇଥିଲେ ।
