ଭୋପାଳ,୧୫।୧୧: ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ପ୍ରଚାରର ଶେଷ ଦିନରେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ୍ କରିଛନ୍ତି। ସେ ଅଭିନେତା ସଲମାନ ଖାନଙ୍କ ଫିଲ୍ମ ‘ତେରେ ନାମ’ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀଙ୍କ ପାଇଁ ଫିଲ୍ମ ‘ମେରେ ନାମ’ କରାଯିବା ଉଚିତ ବୋଲି କହିଛନ୍ତି।
ସେ ଦତିଆରେ ଏକ ରାଲିକୁ ସମ୍ବୋଧିତ କରି କହିଛନ୍ତି, ମୋଦି ଜୀଙ୍କ ବିଷୟରେ ପଚାରନ୍ତୁ ନାହିଁ। ତାଙ୍କ ବିଷୟରେ କ’ଣ ଆଉ କହିବା, ସେ ହେଉଛନ୍ତି ଦେଶର ପ୍ରଥମ ପ୍ରଧାନମନ୍ତ୍ରୀ ଯିଏ ନିଜ ଯନ୍ତ୍ରଣା ପାଇଁ ସବୁଦିନ ଚିନ୍ତାରେ ପଡ଼ନ୍ତି। ତାଙ୍କୁ କିଏ କେତେ ଦୁର୍ବ୍ୟବହାର କରିଛି, ତାହାର ଏକ ଲିଷ୍ଟ କର୍ନାଟକ ନେଇ ଯାଇଥିଲେ। ସେ ଏଠାକୁ ଆସିବା ପରେ ସମାନ କଥା କହିଲେ। ଆପଣ ସଲମାନ ଖାନ ଚଳଚ୍ଚିତ୍ର ‘ତେରେ ନାମ’ ଦେଖିଛନ୍ତି କି? ସେହି ଚଳଚ୍ଚିତ୍ରରେ ସଲମାନ ଖାନ ଆରମ୍ଭରୁ ଶେଷ ପର୍ଯ୍ୟନ୍ତ କାନ୍ଦୁଛନ୍ତି। ଯଦି ମୋଦି ଜୀଙ୍କ ପାଇଁ ଏକ ଫିଲ୍ମ ତିଆରି ହେବ, ତେବେ ଆମେ ଏହାର ନାମ ‘ମେରେ ନାମ’ ରଖାଯିବା ଉଚିତ୍।
ସୂଚନାଯୋଗ୍ୟ,ମଧ୍ୟପ୍ରଦେଶରେ ପ୍ରଥମ ପର୍ଯ୍ୟାୟ ନିର୍ବାଚନ ନଭେମ୍ବର ୧୭ରେ ଅନୁଷ୍ଠିତ ହେବ।
