ଷ୍ଟାର ଫୁଟବଲର୍ ଲିଓନେଲ ମେସି ଆର୍ଜେଣ୍ଟିନାକୁ ଫିଫା ବିଶ୍ୱକପ ଜିତାଇଛନ୍ତି। ଏହାସହ ଅନେକ ଫିଲ୍ଡ ରେକର୍ଡ ଭାଙ୍ଗିଥିଲେ। ତେବେ ବର୍ତ୍ତମାନ ସେ ପଡ଼ିଆରୁ ବାହାରେ ମଧ୍ୟ ଏକ ରେକର୍ଡ ଭାଙ୍ଗିଛନ୍ତି। ର ସୋମବାର ବିଶ୍ୱକପ ଜିତିବା ପରେ ମେସି ସୋସିଆଲ ମିଡିଆ ହ୍ୟାଣ୍ଡେଲ ଇନଷ୍ଟାଗ୍ରାମରେ ଟ୍ରଫି ସହିତ ଏକ ପୋଷ୍ଟ କରିଥିଲେ। ଏହି ପୋଷ୍ଟରେ ୫୨ ମିଲିୟନରୁ ଅଧିକ (୫ କୋଟି) ଲାଇକ ଆସିଛି। ଫଳରେ ସେ ଗୋଟିଏ ଇନଷ୍ଟାଗ୍ରାମ ପୋଷ୍ଟରେ ସର୍ବାଧିକ ଲାଇକ୍ ଆସିଥିବା କ୍ରୀଡ଼ାବିତ୍ ହୋଇପାରିଛନ୍ତି।
ଏହି ପରିପ୍ରେକ୍ଷୀରେ ମେସି ପର୍ତ୍ତୁଗାଲର ତାରକା ଫୁଟବଲର୍ କ୍ରିଷ୍ଟିଆନୋ ରୋନାଲଡୋଙ୍କ ରେକର୍ଡ ଭାଙ୍ଗିଛନ୍ତି। ବିଶ୍ୱକପ ଆରମ୍ଭ ପୂର୍ବରୁ ରୋନାଲ୍ଡୋ ମେସିଙ୍କ ସହ ଚେସ ଖେଳୁଥିବା ଏକ ଫଟୋ ପୋଷ୍ଟ କରିଥିଲେ। ଏହି ପୋଷ୍ଟରେ ୪୨ ମିଲିୟନରୁ ଅଧିକ (୪ କୋଟି) ଲାଇକ ଆସିଥିଲା। କ୍ରିଷ୍ଟିଆନୋ ତାଙ୍କ ନାମରେ ବିଶ୍ୱ ରେକର୍ଡ ସୃଷ୍ଟି କରିଥିଲେ। ତେବେ ମେସି ଏହାଠାରୁ ଅଧିକ ଆଗକୁ ଯାଇଛନ୍ତି।
ମେସିଙ୍କ ପୋଷ୍ଟର କ୍ୟାପସନରେ ଏହା ଲେଖାଯାଇଥିଲା – ସମଗ୍ର ବିଶ୍ୱର ଚାମ୍ପିଅନ୍ସ। ମୁଁ କେତେଥର ଏହି ବିଷୟରେ ସ୍ବପ୍ନ ଦେଖିଥିଲି। ମୁଁ ଏହାକୁ ବିଶ୍ୱାସ କରିପାରୁ ନାହିଁ … ମୋ ପରିବାରକୁ, ମୋତେ ସମର୍ଥନ କରୁଥିବା ସମସ୍ତଙ୍କୁ ବହୁତ ଧନ୍ୟବାଦ। ଆମେ ପୁଣି ଥରେ ପ୍ରମାଣିତ କରିଛୁ ଯେ ଯେତେବେଳେ ଆର୍ଜେଣ୍ଟିନାମାନେ ଏକାଠି ଯୁଦ୍ଧ କରନ୍ତି ଏବଂ ଏକଜୁଟ ହୁଅନ୍ତି, ସେତେବେଳେ ସେକୌଣସି ଲକ୍ଷ୍ୟ ଆମେ ହାସଲ କରିବାକୁ ସକ୍ଷମ ଅଟୁ।
ରବିବାରର ଫିଫା ବିଶ୍ୱକପ ଫାଇନାଲରେ ମେସି ଡିଫେଣ୍ଡିଂ ଚାମ୍ପିୟନ ଫ୍ରାନ୍ସକୁ ୪-୨ରେ ପରାସ୍ତ କରିଛି।
ଏହି ବିଶ୍ୱକପ୍ରେ ମେସି ମୋଟ ୭ଟି ଗୋଲ ସ୍କୋର କରିଥିଲେ। ଏହାସହ ସେ ବିଶ୍ୱକପରେ ମୋଟ ୧୩ଟି ଗୋଲ ଦେଇଥିଲେ। ସେ ବିଶ୍ୱକପରେ ଆର୍ଜେଣ୍ଟିନା ପାଇଁ ଶ୍ରେଷ୍ଠ ଗୋଲ ସ୍କୋରର ହୋଇଥିଲେ। ସେ ଫାଇନାଲରେ ପଡ଼ିଆରେ ଅବତରଣ କରିବା ମାତ୍ରେ ତାଙ୍କ ନାମରେ ଆଉ ଏକ ରେକର୍ଡ କରିଥିଲେ। ସେ ବିଶ୍ୱକପ୍ରେ ସର୍ବାଧିକ ସଂଖ୍ୟକ ମ୍ୟାଚ (୨୬) ସହିତ ଖେଳାଳି ହୋଇଥିଲେ। ଏହା ଥିଲା ମେସିଙ୍କ ପଞ୍ଚମ ବିଶ୍ୱକପ।
View this post on Instagram
View this post on Instagram
